جوجەلەی بەهاران، لەپاییزدا دەژمێرن
پەلەوەڕ و بەخێوکردنی مریشک لە کوردەواریدا باو بووە، هەموو ماڵێک لە مریشکێکەوە تا دەیان مریشکی بەخێوکردووە، بۆ هێلکە و گۆشتەکەی، هەندێجار لە بەهاراندا مریشکە کورکەکان بەنیوەیی دەنرانەوە لەنێوان خاوەن مریشک و ئه و کەسەی کە مریشکە کورکە دەخوازێت، نزیکەی(15) هێلکە دەخرایە ژێرییەوە، بۆ ماوەی 21ڕۆژ لەسەری دەکەوت و کڕدەبوو، هەندێک لە هێلکەکان پیس دەبوون و نابوونە جوجەڵە، ئەوانیتری هەڵدەهێناو دەبوونە(جوجەڵە)، ئینجا سەرەتا(12) جوجەڵە بوون و دواتر ووردە ووردە یەکێکیان دەکەوتە ناوبیرەوە یەکێکیتر بە چیقنە سپیلکەی دەمرد و یەکێک پشیلە دەیخوارد و به و شێوەیە تا گەورە دەبوون و تەمەنیان دەبووە شەش مانگ نیوەی دەفەوتان، بۆیە سەرەتای هەڵهێنانی جوجەڵە نابێتە بنەمای ژماردنی جوجەڵەکان چونکە زۆربەیان نامێنن ئەوە لەکوردەواریدا بووە بە ئیدیۆم دەوترێت: جوجەلەی بەهاران، لەپاییزدا دەژمێرن، لەسەر ئه و بنەمایەش دابەش دەکرا کە(باڕۆکە و کەڵەباب)یان بەدەردەکەوێت و دانەیەکیش سەربار دەدرایە ئه و کەسەی مریشکەکەی له و ماوەیە بەخێوکردووە و مریشکەکەش دەدرایەوە خاوەنەکەی.[1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,746 keer bekeken
Schrijf uw commentaar over dit item!