گا بدە گابردە، ژن بدە ژن مرده
لە سەردەمی نەبوونی ئامێری تراکتۆردا، گا لەکێڵگەدا ڕۆڵی زۆری پێدراوە و کاری زۆری پێکراوە هەر لە(جووتکردن، کێشانەوە، گاگێرە) بەمەش لە دەفتەرداری دەولەتیش لەئامارەکاندا دەنوسرا فڵانە گوند و دێهات ئەوەندە جووت گایەی هەیە، هەر لەبەر ئەو بایەخەی گا زۆر جێگای چاوتێبڕین بووە، لەسەروبەندی دەرەبەگایەتی لەکوردستاندا زۆرجاران گا بەتاڵان براوە و دزراوە، ئه و کەسەی گایەکەی لێ دزراوە کاروباری کێڵگەکەی پەکی دەکەوت و بایەخی ئه و گایەی زۆر بەچاکی بۆ دەردەکەوت، ژنیش کە کورد دەڵێت: ماڵ و ژنیان گۆتیە، چونکە توانایەکی لەڕادەبەدەری هەیە بۆ خزمەتکردنی ماڵ و مێرد و مناڵ ئەگەر ماڵێک ژنی تێدا نەبێت دەوترێت: ئاوی تێوەرکرایە یان پێوەرکریە، چونکە ئه و ماڵە زۆر بێ کابان و بێ سەره و بەرە دەبێت، ئینجا کەسێک ژنێکی باش و کابانی هەبێت و نەمێنێت ئه و لە هەموو کەسێک زیاتر نرخ و قەدری ژنان دەزانێت، هەر بۆیە کورد هەردوو حاڵەتی(گابردن و ژن مردن)ی له و ئیدیۆمەدا جێگاکردۆتەوە و فەرمویەتی(گا بدە گابردە، ژن بدە ژن مرده) واتە هەر ئه و دوانە قەدری گا و ژنان دەزانن.[1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,685 keer bekeken
Schrijf uw commentaar over dit item!