قوماش 42
نووسینی: #ئوسامە جەمیل#
مەمنونی مفەوەزەکەی بووین و هاتینە دەرێ، گۆتمە بابم کووی تێدەگەی؟ گۆتی: با بزانم قادرە فەندی چدەرێ، هەنگی حسابەکی خۆمان دەکەین، هێوارێ سەرەکی لە قادرە فەندی دەدەین و دەگەینە ئەنجامەکی، گۆتم: بەتەمای خوای، بەران ئەمن قەت چشتەکی ناکەم ئەزیەت بەتوو و بە داکم با، هەردووکتان لەکنە من لە پێشەوەی هەموو شتینە، بابم گۆتی: ڕەبی کوڕم خوا بتپارێزی و کووی باشە ئەوهات لۆ بینی!
چووینەوە مارێ، داکم گۆتی: ئیشاڵلا کابرا گیرایە! بابم گۆتی: مەمنون بە ئەمە نەگیرێین، ئەو کابرایە دەستی زۆر دەڕواو بە ئاسانی بە داوێ وەنابی، وابزانم ئەوها بڕوا دەبی مەمنون بین زەڕبەکیدیمان لێنەدا، داکم گۆتی: ئەی لەخۆن غەریبێ، ئەوجە ڕوو لە کێ بکەین! بابم گۆتی: ڕوو لە دەرکەی خوای دەکەین و ئەویش چ بڕیار بدا، ئەمە پێ ڕازینە، پاش عیشایێش خۆ حازرکەن دەچینە ماری قادرە فەندی بزانین چدەرێ! داکم گۆتی: ئەتوو ڕاوەستە ئەگەر ئەو جرت و فرتەی ماری قادرە فەندی سەری نەخواردین ئەمن چنیمە! بابم گۆتی: ورەت بەرزبی و ئیشاڵلا چنابی!
پاش عیشایێ شۆڕبووینەوە لۆ ماری قادرە فەندی، بەینەکی باش دانیشتین، هەتا مێوانەکانیان هەستان و مار چۆل بوو، بابم و داکم و قادرە فەندی و فەوزیە خان و ئەمن دوو برای هەورینی لە هۆدەی مێوانان ماینەوە، زۆرمان قسەکرد، قادرە فەندی گۆتی: لە مەخفەری شورتەش خەبەریان لۆمن ناردیە کەوا بەردەکی لەسەر ئەو شکایەتەی دانێم، دیارە ئەو سەگبابە پشتی زۆر بە قووەتە و منەتی بەکەس نیە! بابم گۆتی: ئەتوو چدەرێی؟ گۆتی: وەڵلاهی ئەمن دەرێم بە ئاسانی شکایەتەکەی نەکێشینەوە، شتەک کرا، کرا، نەکرا ڕێیەکی دی بینینەوە، بابم گۆتی: ئەدی مەوزوعی کیژە و کوڕەی هەر ئەوها لێی گەڕێن؟ قادرە فەندی گۆتیە بابم: سبەی شەوێ بە بێدەنگی وەرن و مەیکەنە هەراو هەر بەخۆت لێکیان مارەکە و با چیدی ڕایان نەگرین!
مایتی.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 577 keer bekeken
Schrijf uw commentaar over dit item!