قوماش 70
نووسینی: #ئوسامە جەمیل#
یەک دوو ڕۆژ تێپەڕی، دانیشتبووم یارمەتی داکم دەدا لە چاکردنی ئەو سەرو پێچکەی بابم هینابووی، لە دەرکەی درا، چووم کردمەوە، دیتم برایەکی هەورینی بوو، سەلامی کرد و گۆتی: داکم سەلامی لێدەکردی، گۆتی: هەورین لە ماری خۆمانە، با عەسرێ بێ بیبینی! گۆتم: باشە بەسەرچاو، سەلامیان لێبکە و برێ گۆتی: دێم! مندارەکە ڕۆیشت و ئەمنیش چوومەوە ژۆرێ، داکم گۆتی: ئەوە کێبوو کوڕم؟ گۆتم: کوڕی قادرە فەندی بوو، گۆتی: داکم گۆتی: عەسرێ وەرە مارێمە هەورین لەوێیە! داکم گۆتی: خوایە بەخێری بگێڕی و بە سەلامەتی لەو بەرایەی قورتارمان کەی! گۆتم: خوا کەریمە، ئیشاڵلا خوا بە نەوعەکی وا حەلی دەکا بە دری هەموومان دەبی!
داکم لۆ نیوڕانێ هەندە جەرگ و ناوی سۆر کردەوە و سەرو پێچکەکەشی هەرگرت، بەو حسابەی سبەینێ لێی بنێ، لەگەر بابم لەسەر نانی دانیشتبووین و مەسەلەکم لۆ باس کرد، گۆتی: کوڕم زۆرت ئاگا لە خۆبی و خوا بتپارێزی، وەڵلاهی لە ترسی ئەوەی نەبی ئەو کیژە چشتەکی لەخۆی دەکا، نەمدەهێشت بچی، بەران چبکەم، قەتل گوناحەکی گەورەیە و خەمێ دەخۆم قادرە فەندی لەو دنیاش خەمێ بخوا، داکم گۆتی: ئیشاڵلا بە سەلامەتی دەچی و بە سەلامەتی دێتەوە!
وەختی عەسرێ جلکم گۆڕی و لە ژۆری خۆم هاتمە دەرێ، داکم شووشەکی بەتاری ئاوی تەماتەی پڕی موڕەبا کردبوو، گۆتی: کوڕم ئەوەی لەگەر دەستی خۆت بدە هەورینی، برێ داکم لۆی ناردی، شووشەکەم لە داکم وەرگرت و هاویشتمە کیسەکی قاقەز و خواحافیزیم کرد و ڕۆیشتم لۆ ماری قادرە فەندی! گەیشتمە وێ و لە دەرکەمدا، کردیانەوە و فەرموویان لێکردم، درم لەسەر هەزاری لێی دەدا، چوومە ژۆرێ و لە هۆدەی مێوانان دانیشتم، وەختەکی فەوزیە خان و هەورین هاتنە ژۆرێ، بەخێراتنیان کردم، هەورین بەینەکی تەماشای کردم و گۆتی: ئای پرتەقار چمان بەسەرهات، توخوا مردن لەو ژیانەی باشتر نیە! گۆتم: کێ بزانی ئەوهامان بەسەر دێ و تووشی ئەو هەموو خەمەی دەبین، ئای بازۆ چەند ئاقربووی، برێ لۆ بەگێم نەکردی! گۆتی: بازۆ چیگۆ؟ گۆتم: گۆتی: هەریگرە و بڕۆنە لایەکی، بریا ئەو شەوی لەگەر بابم هاتین، مارەم بکردبایی و ڕاست بڕۆیشتباین، ئەمەش نەجاتمان دەبوو و زریان و بابیشت تووشی ئەو وەزعەی نەدەبوون، گۆتی: ئەوەی لایمە خەیارە، لای خوای بەتارە! گۆتم: هەورێ وەزعت کووە؟ گۆتی: پێت وایە ئەمن باش بم؟ گۆتم: باوەڕ ناکەم، هەرچەندی تەماشات دەکەم بەس خەم و گریان و خەفەتی لە نیوچەوانت دەخینمەوە، گۆتی: ئەگەر مردم گەردەنم ئازاکە و هەموو ڕۆژانی جومعەی وەرە سەر قەبرم و باسی ژیانی خۆتم لۆ بکە، چدەکەی و خەریکی چی، بەرنامەت چیە و کێت هینایە، چەند مندارت هەیە و ناویان چیە، باسی دار پرتەقارەکانی حەوشێ و پیاسەی هێوارانی سێتاقانم لۆبکە، خەمەکانی تەیراوەم لۆ بگێڕەوە و سەلامی پیرە قەراتێم لۆ بینە، بەهارانیش بێ نێرگز نێیە سەرم، ئەگەر نێرگزی نەینی گەردەنت ئازا ناکەم! هەردوو چاوم پڕی ئاو بوون و فرمێسک بەسەر ڕوومەتەکانم دا هاتنە خوارێ، گۆتم: هەورینی من، خوا نەکا ئەتوو بمری و مەرگم پێش مەرگت کەوی، ئەگەر ئەمن مردم ئەتوو وەرە سەر قەبرم و دوا نوکتەکانی پیاسەی هێوارانی باخچەی خانزادم لۆ بگێڕەوە، ئەویش لەگە من دەگریا و فرمێسکی دەڕێشت، فەوزیە خان هەردوو دەستی بە چاوی وەنابوو هوڕ هوڕ دەگریا، هەورین هەستاوە، چوو باوەشی بە داکی کرد و گۆتی: توخوا دایە گەردەنم ئازاکە، بوومە بەرا بەسەرینگۆ و بابیشم لە خەمی من مرد، داکی گۆتی: کیژی گەورەم، هەرچی خوا نووسیبی دێ، دەبی بە قووەت بین و نەڕوخێین، نەکەی بڕوخێی! لەو هەموو شین و گریانەی ئاگرم تێبەربوو، نەمدەزانی چبکەم و چبرێم، هەورین لە باوەشی داکی هەستاوە و هاتەوە کنە من، گۆتی: گەردەنم ئازا دەکەی؟ گۆتم: نەخێر، ئەگەر شتەکی لە خۆت بکەی لەو دنیای ئێقەت دەگرم و بە خوای دەرێم: ئەوەبوو هەموو ڕۆژێ ئەمنی دەکووشت و دەکووشتەوە، ئامان سەت ئامان نەکەی خۆت بکوژی، باش بزانە ئەوەی دەیکوژی هەورین نیە و ئەمنم، مەمرە و بە یادی من بژی، هەر کاتی فکرت لەوەی کردەوە خۆت بکوژی، بینە بەرچاوت ئەوە ئەمن دەکوژرێم و دەکوژرێم، ئامان سەت ئامان هەورین مەمکوژە، مەمکوژە و با هەموو ڕۆژێ بە یادی توو بژیم!
هەورین بێدەنگ بوو، هیچ وەرامەکی نەدامەوە، فەوزیە خانی داکیشی زۆری قسەکرد، لە کۆتایی تانیمان قەناعەتی پێبکەین شتەکی نەکا کە خوای گەورە لێی توڕەبی و ئەمەش خەفەتباری بکا، لە هەستانێ شووشە موڕەبایەکم دا دەستی و گۆتم: ئەوە دیاری داکمە لۆ توو، بە دەستی خۆی دروستی کردیە، زۆر دری پێی خۆشبوو، گۆتی: دەستی داکت و بابت ماچ دەکەم وسەلامیان لێبکە، ئەوجە گۆتی: یەک شتی بکە! گۆتم: چیە؟ گۆتی: ئەگەر بە گێی من دەکەی بە دوو ژیانی خۆت دابگەڕێ و ژنەکی بینە، تازە خۆشەویستی من و توو کۆتایی پێهات، ئەگەر ئەتوو ژنی بینی، ڕەنگە وەزعە بگۆڕێ، ئەتوو خەریکی ژیانی خۆت بی و لەمن دوور کەویە و خەمت کەمتر بی! گۆتم: موستەحیلە شتی وابکەم، پاشی توو ژیان لە من حەرام بی، ئاسان نیە بتوانم ژنەکی دی بینم و دریشم لای توو بی، خوا قبور ناکا ژیانی ئافرەتەکی دی بکەمە دۆزەخ! ئیدی خواحافیزیم کرد و هاتمە دەرێ، لە دەرکەی گۆتی: دیارە ڕدێنەکت تراشی! گۆتم: لەبەر داک و بابم، ئەوان زۆر تکایان کرد، گۆتی: یاڵلا گێمەدێ، بەگێی وان بکەی باشترە!
چوومەوە و داک و بابم لە مارێ بوون، بابم گۆتی: هەورینت دیت؟ گۆتم: بەرێ، ئەمن و فەوزیە خان زۆرمان قسە لۆکرد، باشبوو هاتەوە سەرەخۆ و وازی لەو فکرو خەیارانە هینا، بابم گۆتی: دەوجە کوڕم، ئەتووش بەگێی من بکەو وازی لێبینە، ئەو ژنە چوویتە ڕێی خۆی، ساحێبی مار و مێردی خۆیتی، ڕاستە غەدرەکی گەورەی لێکرایەو شەوو ڕۆژ لە خەم و خەفەت دایە، بەران ئەسڵ وایە ئەتووش وازی لێبینی و فکری لێنەکەیەوە، کوڕم شەرعیش وەدەرێ، قابیلە ئەمن بمەوێ غەدرت لێبکەم، وەڵلا ئەو مێردەی بزانی ئەتوو دەیبینی، هەردووکتان دەکوژی، کوڕم وازی لێبینە، بابم وازی لێبینە! داکم گۆتی: ئەشەدەن و بیللا قسەی بابتە، کوڕم تازە ئەوچووە ڕێی خۆی، ئەگەر ئەتوو واز لەوی بینی و ژنەکی دی بینی، تەئکید بە ئەویش ئەتوو لەبیر دەکا و دەچیتە ڕێی خۆی! ئەمن هیچ دەنگم نەکرد، دەمزانی قسەی داک و بابم تەواوە، عورف و عادەتیش وایە، دەبی لێک دوور کەوینەوە، بەران چبکەم ئەو درەم وانارێ، ئاخ و سەت داخ لە دەست ئەو درەم!
ڕۆژەکی دانیشتبووم کتێبم دەخیندەوە، لە هیکڕا بازۆم بە بیر هاتەوە، گۆتم: وەچاکە سەرەکی لە ماریان بدەم و بزانم داک و بابیان کوونە و چخەبەرەکی بازۆیان لەکنە، هەستام و هەر بە پیاسە بەسەکەتم لۆلای ماریان، لە دەرکەم داو گەلاوێژ خان دەرکەی کردەوە، وەکی چاوی بەمن کەت، هەردوو چاوی پڕی فرمێسک بوون، دوو ماچی لەسەری کردم و گۆتی: بەخوای چابوو هاتی، بۆنی بازۆت لێدێ، وەکی ئەتوو دەبینم وا دەزانم بازۆم دیتیە، دە فەرموو وەرە ژۆرێ کوڕی گەورەم!
مایتی.[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 633 keer bekeken
Schrijf uw commentaar over dit item!