دەقی ڕاگەیەندراوەکە:
لە 73مین ساڵیادی لەدایکبوونی بیرمەند و ڕێبەری تێکۆشانی ئازادیی عەبدوڵلا ئۆجالاندا پیرۆزباییەکی گەرم لە خودی ڕێبەر ئۆجالان، پاکرەوانانی ئازادیی، شۆڕشگێڕان، ئازادیخوازان، گەلەکەمان و مرۆڤایەتیی دەکەین و هیوای تەمەندرێژیی و تەندروستیی باش و ئازادبوونی لە زیندانی بۆ دەخوازین.
وەک دەزانرێت لەدایکبوونی ڕێبەر ئۆجالان و تێکۆشانی ئازادیخوازانەی پەنجا ساڵی تەمەنی، بۆ گەلی کورد بۆتە زایین و وەرچەرخانێکی نوێ و خاوەن پارادیگمای ئازادیی و تێکۆشان بۆ بونیادنانی سیستەمێک بۆ ئازادیی و یەکسانی و دادپەروەریی و بەیەکەوەژیانی گەلان. لەم پەنجا ساڵەیی تێکۆشانیدا 23 ساڵە لە زیندان دایه و بە بەرخۆدان و خۆڕاگرییەکی مەزنەوە دژ بە ئەقڵییەتی قڕکەری ڕژێمی فاشیزمی تورکیا و مۆدێرنیتەی سەرمایەداریی، لەپێناو چارەسەریی دیموکراتی دۆزی ڕەوای گەلی کورد و بەدیهێنانی ئاشتی و بەیەکەوەژیانی گەلاندا تێدەکۆشێت.
بێگومان ژیانی بیرمەندی ئازادیخواز ڕێبەر ئۆجەلان بووەتە بەشێکی گرنگ لە مێژوو و ژیانی ئێستا و داهاتووی خودی بزووتنەوەی ئازادیی و گەلی کوردستان و مرۆڤایەتی، له و تەمەنەی تێکۆشانیدا هاوکات لەگەڵ تێکۆشانی هەمەلایەنەی شۆڕشگێڕیی، گەنجینەیەکی مەزنی لە بەرهەمی فیکری و فەلسەفی پێشکەش بە گەلەکەی و گەلان و مرۆڤایەتی کردووه.
ئێمە لەکاتێکدا ئه و یادە پیرۆز دەکەین، کە ڕێبەر ئۆجەلان ماوەی زیاتر لە 23 ساڵە لەنێو کوشندەترین دۆخی گۆشەگیریی دایە و بە بەرخۆدانێکی بێوێنەوە ڕووبەڕووی ڕژێمی ئاکەپە-مەهەپە دەبێتەوە، ئه و ڕژێمە فاشیستەی بەردەوام لەرێگەی گۆشەگیرییەکی توند و بەشێوازەکانی شەڕی تایبەت هەوڵدەدات پەیوەندی و کاریگەرییەکانی ڕێبەر ئۆجالان لەسەر بزووتنەوەی ئازادیی و گەلی کوردستان و گەلانی دیکە نەبێت، بەڵام، ڕێک بە پێچەوانەوە ڕۆژ بەرۆژ کاریگەرییە فیکریی و سیاسییەکانی بەڕێز ئۆجالان زیاتر دەبێت و گەلی کورد و گەلانی ئازادیخوازی زیاتر لەدەوری فیکر و فەلسەفەی بەڕێزیاندا خۆپەروەردە و بەرێکخستن دەکەن و تێکۆشانی ئازادیخوازانەیان بەهێزتر و تۆکمەتر دەکەن. هەروەها ئەوە سەلمێنراوە کە گەلەکەمان و تەڤگەرە ئازادیخوازەکەیشی بە توندیی ڕووبەڕووی ئه و گۆشەگیرییە دەبنەوە و هیچ کاتێک زیندانیکردنی بەڕێز ئۆجالانیان پەسند نەکردووە و نایکەن و تا ئازادیی جەستەییان، تێکۆشان بەڕێوەدەبەن و ژیان و تەندروستیی ڕێبەر ئۆجەلان بە هێڵی سووری دەبینن و ڕێگە به سەرکەوتنی هیچ جۆرە پیلانگێڕییەک نادەن و بەدرووشمی “کات کاتی ئازادیی ڕێبەر ئاپۆیە” تێکۆشان و بەرخۆدان بۆ ئازادیی ڕێبەر ئۆجەلان لە لوتکەدا بەڕێوەدەبەن.[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!