نانی یەک بەگوێی سێرێیە
ساج و سێر، ئاسنێکی گردیلەی خڕیلەی لووسی قۆقزی تەنکە، دەخرێتە سەر ئاگردان و چیلکەدار یان سەرگین و قشپڵی دەخرایە ژێر و گڕدەدراو سێرەکەی داخ و سوور دەکردەوە و نانی لەسەر دەبرژێنرا، ئەوە تا ڕۆژانی ئەورۆشمان بەردەوامە، ژنان نانیان دەکرد و دەست و تیرۆکیان جێی سەرەنج و تێڕامان بووە، ئەوانەی ئەنگوتکە هەویرەکەیان لەسەر خوانەکان زۆر تەنک و جوان پان دەکردەوە، کە دەیانخستە سەر سێرەکە، به و لاو بەم لای سێرەکەدا لچکی نانەکە وەک گوێ سوانە دەهاتە خوارەوە، ئه و جۆرە نانکەرە بە کابانی باش ناویان دەردەکرد، بە مەدح و ستایشەوە لەناو خەڵکی باسی لێوەدەکرا ئەوە لایەنە ڕاستەقینەکەیە و وەکو ئیدیۆمیش وەک ناساندن و وەسف و ستایش بە ژن و کچێکی ئازا و کەیبانوو دەوترێت: نانی یەک بە گوێی سێرێیە.[1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 634 keer bekeken