بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە.
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$سەنگی هەواران$
سەنگی هەواران، سەنگی هەواران
سەنگی سیا ڕەنگ کۆنە هەواران
جای بەزمی ڕەندان نیشانگەی یاران
تەختی خاڵ خاڵان نازک نازداران
جە زەڵ مەزانوو سوفید سەنگەنی
ئێستە سەبەب چېش سیا ڕەنگەنی؟
کۆن عەیش و نیشات نەو وەهارانت؟
کۆن ئاهووی ڕەندان پۆل نازارانت؟
سەرخار چوون تۊ کۆی عەنبەر پۊشان بی
دایېم ئامەشۆ وەلای تۆشان بی
ئێستە جای ئەوان چۆڵەن وېرانی
ئەحواڵی ئەوان تۊ چېش مەزانی؟
سا کە ئێد شنەفت سەنگی سیا ڕەنگ
بە ئاه و ناڵە لێم ئاما بە دەنگ
ئەحواڵی دەردم دېوانەی بێ هۊش
مەر نمەزانی چی بیم سیا پۊش!
ئۊسا من هەمڕاز خاڵ قەتاران بێم
تەکیەگای ڕەندان پۆل نازاران بێم
ڕەنگم سفید بێ چوون ڕەنگی کافوور
شەوقی جەمینم دیار بێ جە دوور
ناگاه پەی تەقدیر چەرخی پوڕ ستەم
ئېمە و نازاران جیا کەرد جە هەم
ئێستە نە پام هەن بلووشان وە شۆن
نە وېم مەزانوو ماواشان چکۆن!
فەڵەک ئەر زانېش چېش ئامان پێمان
دووری نازدارا نەرمانێ پێمان
کەرداش دوچاری دووری و جیایی
نیاش بە دڵدا داخی سیایی
ئی داخ هەر پەی من تاکو ڕۊی «ڕەستاخېز»
چوون هیجرانی یار گرتەنم بەڕېز
ئایېری هیجران کەوتەن نە جەرگم
سیاوش کەردەن سەر تاکو پای بەرگم
چی کوورەی ئایېر من نە جۆشەنان
جە سینەی سەیدی سیاو پۊشەنان
[1]