بابەت: هەڵبەست
نووسین: #سەیدی هۆرامی#
ئەم هۆنراوەیە، دەچێتە خانەی ڕېبازی ئەدەبی کلاسیکی کوردییەوە، شاعیر بەشێوەزاری گۊرانی- هۆرامی هۆنراوەکەی نووسی وە:
لە ڕووی ڕووخسارەوە ئەم تایبەتمەندییانەی هەیە:
1- بەکېشی عەرووزی عەرەبی نووسراوە.
2- هەموو هونەرەکانی ڕەوانبێژی بە پێی پێویستیی هۆنراوەکە، تێدا بەکارهاتوە. (بەکارهێنانی وشەیەک، بۊ زیاد لەواتایەک).
3- سەروای یەکگرتوە پەیڕەوکراوە، واتە (یەکێتی سەروای پاراستییەوە)
4- یەکێتی بەیت و بابەتی پاراستوە. واتە هەموو هۆنراوەکە وایەکی هەیە و هەر دێڕەش واتای تایبەتی خۆی هەیە.
5- وشەی بێگانەی تێدا بەکارهاتوە، بە تایبەت وشەی (عەرەبی، فارسی و تورکی).
6- دووبارەکردنەوەی نازناوی شاعیر لە دوا دێڕدا، یا پېش دوا دێڕی هۆنراوەکە.
$قیبلەم تاسەمەن$
قیبلەم تاسەمەن، قیبلەم تاسەمەن
من پەی تۊ قیبلەم، خەیلێ تاسەمەن
چوون کورەی ئاهېر دووی هەناسەمەن
هەرسات نە دڵدا سەدو سوا سەمەن
گا شەیدا، گا شێت، گا سەر سامەنان
بێ تاقەت، بێ سەبر، بێ ئارامەنان
گا مەشۆ چوون سەیل ئەسرین نە چەمدا
گا غەرقم نە گێج بەحری ماتەمدا
گا ئەیامی وەسڵ مەگنۆوە یادم
هیجران مەکەرۊ خاتر ناشادم
جە دووریت نە وەخت، نە بێ وەختمەن
دایېم ئێشی دەرد زامی سەختمەن
هەردەم بێ دەماخ خاتر زویرم
هەرگیز نمەشی تاوێ جە ویرم
قیبلەم جە هەر شار تۊ مەکەری جێت
چوون قیبلە نما ڕوو مەکەران لێت
تا گەردوون گەردی من نەدۆ بە باد
قیبلەم نمەشۆ هەرگیز تۆم جە یاد
وېم کەردەن پەی تۊ بە قەیسی سانی
نەک تۊ من کەم شەرت، بێ وەفا زانی
نە تۊ ئەو خواجەی بێ شەرت و شۆن بێت
غوڵامێ و چوون من دوور داری جە وېت
نە من ئەو غوڵام بێ وەفاو بەین بێم
پی تەور گنوو دوور جەلای خواجەی وېم
دەوری گەردوون بێ کەردش ئی ستەم
دیدەم، من و تۆش دوور وستەن جە هەم
سەد کە دامەنت وەر بی جە دەستم
هەر غوڵامی تۆم هەرتاکە هەستم
ئەر تۊ جە «شیراز»، من جە «شام»ەنان
تۆ هەر خواجەنی، من غوڵامەنان
یاران چېش مەبۊ ئەر چەرخی سەیر
ئەم جار بشانۆ پێمان نەردی خەیر
نەردێ بشانۆ نەخشش دوو شەش بۊ
پەرێ چەند ڕوێ ژیوایما وەش بۊ
قیبلەم، چراغم، ئەر خواجەی خاسی
هەر بەندەی تۆنا من بە ئیخلاسی
سەیدی تاکو زیندەی دەوری ئەیامەن
موخلیسەن، عەبدەن، بەڼەن، غوڵامەن
[1]