هەرکەس بانی فرەترە، بەفری زۆرترە
بان: سەربانی خانوو دەگرێتەوە، لە زستان کە بەفر دەباری ئه و خانووەی سەربانەکەی گەورەتر و فراوانتر بووایە، بەفری زۆرتر لەسەر دەکەوت و بانگوش و بانگێڕەکە زیاتر ماندوو دەبوون، بەڕاماڵینی بەفر و گێڕانی باگردێنەکە، بەڵام ئه و خانووەی سەربانەکەیان بچووکتر بووایە، بەفر کەوتنەکەش کەمتر دەبوو، کەواتە ڕاماڵینی بەفرەکەش و کات و ساتێکی کەم و ماندووبوونی کەمتری دەویست، ئینجا ئه و بەفر بارین و سەربانە بچووکی و گەورەییە کراوە بە ئیدیۆم و لە مەبەستی جیاجیادا بەکاردەهێنرێت بەنمونە: دیوەخانی ماڵە دڵاوا و دەوڵەمەندێک قەرەباڵغ و جەنجاڵ و پڕ میوانترە وەک لە ماڵە هەژارێک یان دەوڵەمەندێکی قرچۆک، بە خاوخێزانێکی زۆر و ڕەشە خێزانیش دەوترێت: هەرکەس بانی فرەترە، بەفری زۆرترە واتە: تا ماڵ و مناڵ زۆرتر بێت، ئەرک و زەحمەتی و ماندوبوونی زیاتری دەوێت.[1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 716 keer bekeken
Schrijf uw commentaar over dit item!