دەقی پەیامەکەی بزووتنەوەی گۆڕان:
بەڕێزان: سەرۆک و ئەندامانی سەرکردایەتی یەکێتیی نیشتمانیی کوردستان
بەبۆنەی (47)ەمین ساڵیادی دامەزرانی یەکێتیی نیشتمانیی کوردستان و (46)ەمین ساڵیادی هەڵگیرسانی شۆڕشی نوێ، پیرۆزباییەکی گەرم ئاڕاستەی ئەندام و لایەنگرانتان دەکەین.
یادی یەکێتی لەم ساڵدا، هاوکاتی بوونی کۆمەڵێک ئاڵنگاری سیاسی و ئابورییە کە لەسەر ئاستی عیراق و هەرێمی کوردستان ڕوبەڕووی میللەتەکەمان بووەتەوە، ئەم ئاڵنگاریانە هۆکاری کۆمەڵێک مەترسی و هەڕەشەن بۆ سەر قەوارەی سیاسی هەرێمی کوردستان، کە پێویستی بە هەند وەرگرتن و داڕشتنی سیاسەتێکی ژیرانەی کوردستانی و تەبایی ناوخۆیی هەیە بۆ ڕوبەڕوبوونەوە و پاراستنی دەستکەوتەکانمان.
مایەی نیگەرانییە خەڵک کە خاوەنی ڕاستەقینەی شۆڕش و قوربانیدانی میللەتەکەمان بووە، ئێستا لە ئەدای خزمەتگوزاریی و ئاستی ژیان و گوزەرانیان ناڕازین، هەربۆیە هیواخوازین ئەم یادە دەرفەتێک بێت بۆ بەخۆداچوونەوە و گۆڕانکاری لە شێوازی سیاسەتکردنمان، بۆ ڕێکخستنەوەی پەیوەندی لایەنە سیاسییەکان لەسەر بنەمای پاراستنی بەرژەوەندییە باڵاکانی نەتەوەکەمان، بۆ باشترکردنی شێوازی ئیدارەدان و حوکمڕانی کە وەڵامگۆی داواکارییەکانی هاووڵاتییان بێت.
بزوتنەوەی گۆڕان[1]
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,103 keer bekeken
Schrijf uw commentaar over dit item!