شێر ئەگەر پیر بێت، مێش لە(گەڵ و گون)ی دەئاڵێت
وتراویشە: گورگ پیر بوو دەبێتە مەخسەرەی سەیان، مەخسەرە واتە گاڵتەجاڕ، لە ڕوویەکیتریشەوە دەوترێت: پیری و هەزار عەیب، هەڵبەت شێر کە له و ئیدیۆمەدا وەک نمونە هێنراوەتەوە چونکە پاشای دارستانە، هێمای هێز و دەسەڵاتە، بەڵام ئەو قەڵەمڕەویە کاتییە و ڕۆژێک دادێت بەره و نەمان و کزبوون و لاوازبوون و کۆتایی دەچێت، مێش: زیندەوەرێکی بچووکە وەک هێمای لاوازی و بێ دەسەڵاتی له و ئیدیۆمەدا هاتووە، بەرامبەر دڕندەیی و گەورەیی و زەبەلاحی شێر بەکارهێنراوە، مێش ئەوەندە بێ دەسەڵاتە بەڵام کە شێر پیربوو دەبێتە گاڵتەجاڕ و مەخسەرەی مێشان و مێشە گزگزە بە ئارەزووی خۆی لەسەر گەڵ و گونی دەنیشن و بێ باکانە خوێنی گونی دەمژن، ئه و واقیعە وەکو ڕێنمایی و ئامۆژگاری بۆ مرۆڤەکان کراوە بە ئیدیۆم و بۆ فەنابوون و کاتی قودرەت و دەسەڵات وتراوە: شێر ئەگەر پیر بێت، مێش لە(گەڵ و گون)ی دەئاڵێت.[1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 989 keer bekeken
Schrijf uw commentaar over dit item!