گوندێ وەردیێ یەک ژ گوندێن شنگالێ یە دکەڤیتە باشوری چیایێ شنگالێ ب دووریا 10 کیلۆ مەتران ژ ناحیا گرعزێر دوورە ، ل فەرمانا 3ی تەباخا 2014ێ گوندێ وەردیێ ژی وەکو هەموو گوندێن دی یێن شنگالێ قوربانی دان و راستی گەلەک نەخۆشیان هات و د رۆژەکا وەکی ئەڤرۆدا و ل 8 هەیڤا 8 ل سالا 2014ێ ب دەهان کەچ و بوک و خۆرت و بیروکال کەفتنە ددەستێ داعشێ دا و هندەک ژ خەلکێ گوندی ب گولەیان هاتنە کوشتن .
حسێن حەمەد گەنجەکێ گوندێ وەردیێ یە و دەمێ داعش ل گوندێ وەردیێ حسێن ئێک بوو ژ وان کەسێن کو داعش ب چاڤێن خوە دیتی و گوھ ل پەیڤا وان بووی ، بۆ PUKmedia گۆت کو ل دەما داعش بسەر گوندێ مەدا گرتی داخواز ژمە کر کو ئەم هەموو بچنە جڤاتا مەزنێ گوندی ئەم ل وێدەرێ کۆمکرن و بۆ ماوەیێ چەندەکێ دگەل مەزنێ گوندی ئاخفتن ، داعش ژ مەرە گۆت ل گوند دا بمینن و تشتەک لسەر وە نینه بتنێ ئالایا سپی بلندبکن ، پلانا داعش ئەوبو وەکی کۆمکوژیا گوندێ کۆچۆ ل گوندێ وەردیێ ژی بکە و دڤیان زلامەکی ل گوند دا نەهێلن و کەچ و بوکان بۆ خوە ببن هەرچەندە وان داخواز ژ مەزنێ گوندی کر و 3 کچان رادەستی وان بکه لێ مەزنێ گوند ئەڤ یەک رەتکر ب دەست وانڤە بەرنەدان.
هەردیسان سادق برۆ بۆ PUKmedia وەها گۆت : ل دەمێ داعش کەفتی گوندێ وەردیێ ئەز ل گوندبووم ژبەرکو بابێ من یێ نەخوەشبوو و نە دشیا برێڤە بچیت من و دایکا من چاڤدێریا وی دکر و گەلەکێن دیژی ل گوند دا هەبوون وەکی مە لێ مە شیانێن رەڤینێ نەبوون، و من ب چاڤێن خوە دیت دەما داعشێ کچ و بوک و زەلام و خۆرت بار کرینه ترۆمبێلێن مەزن من و دایک و بابێن خوە ل جهەکی خوە ڤەشارتبوو هەتا کو داعش ژ گوند دەرکەفتی و مەژی بلەز و ب حالەکی خراب خوە گەهاندە چیایێ شنگالێ ژبەرکو داعش لناڤ گوند دگەریا مە نە دشیا بەری هنگێ ژ گوند برەڤن ژبەرکو مە بچاڤێن خوە دیتن دەما خەلک ددانە بەر گولەیان.
ژلایەکی دیڤە خەلکێ گوندێ وەردیێ داخواز ژ رێکخراوێن پاراستنا مافێن مرۆڤی و حکومەتا عێراقێ کرن ب زووترین وەخت ئێخسیرێن وان بێنە رزگارکرن ژ دەستێ تیرۆرستێن داعشێ و کەیسا ئێزدیان ب جینۆساید بێتە ناساندن.
PUKmedia / خێرۆ گرعزێری.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کرمانجی) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 950 keer bekeken
Schrijf uw commentaar over dit item!