نێچیرڤان بارزانی: شەهرامی نازری مایەی شانازی هەموو کوردێکە
لە میانەی دیدارێکیدا لەگەڵ شەهرام نازری، نێچیرڤان بارزانی ڕایگەیاند، ئەو هونەرمەندا مایەی شانازی هەموو کوردێکە.
ئاوێنە: سەرۆکایەتی هەرێمی کوردستاب ڕایگەیاند: نێچیرڤان بارزانی سەرۆکی هەرێمی کوردستان پێشواز لە هونەرمەندی ناوداری کورد شەهرامی نازری کرد کە ماوەیەکە بە سەردان لە هەرێمی کوردستانە و ڕۆژی دووشەممەی ڕابردووش لە ڕێورەسمێکدا خەڵاتی ئاڵتوونیی وەزارەتی ڕۆشنبیری حکومەتی هەرێمی کوردستانی پێبەخشرا.
ئاماژەی بەوەشکرد: نێچیرڤان بارزانی وێڕای دەربڕینی خۆشحاڵی بە دیداری مامۆستا نازری، ڕێز و ستایش و پێزانینی بۆ مێژوو و خزمەت و کار و بەرهەمە هونەرییەکانی دووپاتکردەوە و پێگە و ناوبانگی مامۆستا نازری لەسەر ئاستی ناوچەکە و جیهان و ئەو خەڵاتە نێودەوڵەتییانەی بەدەستیهێناون بە مایەی شانازی هەموو کوردێک و خەڵکی کوردستانی بە گشتی لە قەڵەمدا، هاوکات وێرای دووپاتکردنەوەی هەموو پشتگیرییەک بۆ مامۆستا نازری، هیوای تەمەنی درێژ و تەندروستیی باش و سەرکەوتنی بەردەوامی بۆ خواست.
باسیلەوەشکرد: لای خۆشییەوە مامۆستا شەهرامی نازری وێڕای سوپاس و پێزانین بۆ سەرۆک نێچیرڤان بارزانی و ئەو ڕێزلێنان و خەڵاتکردنەی لە هەرێمی کوردستان لێی کراوە، دووپاتیکردەوە کە ڕێزلێنان و خەڵاتکردنی لە کوردستان، لای ئەو کە هەموو ئەو ڕێزلێنان و خەڵاتە نێودەوڵەتییانە زیاتر مایەی شادی و مانادارتر و بەهادارترە کە لەسەر ئاستی جیهان پێشکەشی کراون، هەروەها خۆشحاڵی خۆشی بە سەردانی هەرێمی کوردستان و دیداری لەگەڵ نێچیرڤان بارزانی نیشاندا.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 768 keer bekeken
Schrijf uw commentaar over dit item!