Îro Şemiyê rûfatên 100 şehîdên enfalkirî yên Barzan bi rêya Firokexaneya Hewlêrê hatin vegerandin û biryar e sibe li devera Barzan bi xakê bêne spartin.
Rufatên 100 Enfalkiriyên Barzaniyan gihan Firokxaneya Navdewletî ya Hewlêrê û merasîmeke taybet ji bo pêşwazîkirina wan bi amadebûna Serok Mesûd Barzanî, Serokê Herêma Kurdistanê Nêçîrvan Barzanî, Nûnera Neteweyên Yekbûyî li Iraqê Jeanine Hennis-Plasschaert û hejmareke berpisên hikûmeta Herêma Kurdistan û Iraqê û çend berpirsên hizîbî birêve diçe.
Rûfatên 100 Barzaniyan ji beyabana Erer ya li parêzgeha Mosene ya başûrê Iraqê bo Herêma Kurdistanê hatin vegerandin û biryar e sibe Yekşemê 31ê Tîrmehê di merasîmeke taybet de li devera Barzan bi xakê bêne spartin.
Rûfatên şehîdên enfalkirî yên Barzaniyan di gorên bikom yên biyabanên Erer a li başûrê Iraqê hatibûn dîtin.
Li gorî lêkolînên ku ji aliyê pisporan ve hatine kirin, diyar bûye ku ew kes Barzanî ne. Ev karwanê sêyem ê enfalkiriyan e ku têne Herêma Kurdistanê.
Li gorî pizîşkiya dadî a Iraqê, tevahiya wan rûfatan ê mêran e, zarok û jin di nava wan de nînin.
Di dîroka 31.7.1983an de Komara Iraqê di pêlekê de 8 hezar Barzanî yên di komelgehên bi zorê niştecîkirî yên li Quştepe, Behirke, Diyana û Herîrê enfal kirin.
Piştî sala 2003an li biyabanên Erer rûfatên 596 Barzaniyan hatin dîtin û di du demên cuda de hatine vegerandin bo Barzan û li Goristana Enfala Barzaniyan de bi axê hatine sipartin.
Rejîma Sedam Hisên di sala 1983an de proseya enfala Kurdan bi enfalkirina 8 hezar Barzaniyan dest pê kir.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (Kurmancî) geschreven, klik op het pictogram
om het item te openen in de originele taal!
Ev babet bi zimana (Kurmancî) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
Dit item is 1,349 keer bekeken
Schrijf uw commentaar over dit item!