Yek ji bo zarokan, yek çîrok û a din jî pirtûka li ser sazbûna welatekî, 3 pirtûkên nû ji bo kurdî hatin wergerandin û hatin çapkirin. “#Cilên Qral ên Nû#”, “#Ji Hewşa Xelkê#” û “#Welatê Sasinên Spî#” bi kurdî ji Weşanxaneya #Nûbihar#ê derketin.
“Cilên Qral ên Nû”
Hans Christian Anderson nivîskarekî danîmarkî ye û di navbera salên 1805-1875’an de jiyaye. Pirtûkên wî li gelek zimanan ahtine wergerandin û li gelek welatan hatine çapkirin. Yek ji an jî çîroka bi navê “Cilên Qral ên Nû” ye ku niha ji bo kurdî hate wergerandin. Leyla Alûcî pirtûk wergerandiye kurdî û Alîşer Avci jî xêzên wê çêkirine.
Pirtûk çîroka Qralê qure û jixwehez nîşan dide. Ew qralê ku ji cil û bergah hez dike, mal û milkê serayê ji bo cilan xerc dike lê kesek newêre tiştek bêje jî, heta zarokak dibêje, *Aaa, Qral tazî ye”
“Ji Hewşa Xelkê”
“Ji Hewşa Xelkê” pirtûkeke çîrokan e ku ji çîrokên alman hatiye amadekirin. Pirtûka ku ji aliyê Dr. Abdullah Încekan ve hatiye amadekirin û wergerandin bi navê “Gudesteyek ji kurteçîroka almanî, ji hewşa xelkê” derketiye.
Di pirtûkê de 15 kurteçîrokên ku ji wêjeya almanî hatine girtin û wergerandin cih girine. Li ser hilbijartina çîrokan Încekan wisa gotiye, “Bi hilbijartina kurteçîrokan re min xwest ez alaveke, formeke modern hilbijêrim. Lewra em jî di vê dewrê re derbas dibin û divê mîsalên ji dewr û demên me jî li ber destên me bin, da ku em jî bikaribin çîroka xwe, çîrokên xwe bibêjin. Di vê çarçoveyê de kurteçîroka almanî di edebiyana cîhanê de xwediyê ciyekî mezin û qedirbilind e û dikare bibe kaniyek ji kayiyan ji bo em jî jê fêdeyê bistînin.”
“Welatê Sasinên Spî”
Pirtûka nivîskar Grîgorî Petrov “Welatê Sosinên Spî” li dinyayê navdar e. Bi taybetî li Bulgaristanê û li Tirkiyeyê gelek belav bûye. Pirtûk rabûna ser piyan a welatekî, xebat û keda wan nîşan dide. Pirtûka ku bi ser mînaka Finlandiyayê re meseleye digire dest ji bo welat û neteweyên li paşmayî wekê raberekî ye. Pirtûka ku bûye klasîkek dinyayê Medenî Ogut wergerandiye kurdî.
- Cilên Qral ên Nû / H.C.Anderson / Wergera kurdî: Leyla Alûcî / Nûbihar / Çîrok / 38 rûpel / 2022
- Ji Hewşa Xelkê / Amadekar û werger: Dr. Abdullah Încekan / Nûbihar / Çîrok / 109 rûpel / 2022
- Welatê Sasinên Spî / Grîgori Petrov / Werger: Medenî Ogut / Nûbihar / Roman / 156 rûpel / 2022
[1]