ئەڤرۆ نیوز ، نەوزاد هلۆرى:
دەمەک بەریا نها سەرۆکێ هەرێما کوردستانێ #مەسعود بارزانى# دیدارەکا کەنالێ ئەلعەرەبیەیێ #سعودى# دیارکر کو ڕژێمێن ئێک ل دوڤ ئێکێ یێن عیراقى َهەموو جورێن تاوانان بەرامبەر گەلێ کورد کرینە و چوو ژ وان ژى پێگیرنەبوویە ب دانا مافێن گەلێ کورد ، و هەردەما سەربخوى یا هەرێما کوردستانێ ژى درۆست بوو ئەرکێ من ژى دوماهى دهێت و ئەز بو پوستى سەروکاتیا هەرێما کوردستانێ خوە بەربژێر ناکەم ڤە.
مەسعود بارزانى سەرۆکێ هەرێما کوردستانێ دیارکر کو سەرکرداتیا هەرێما کوردستانێ ل سالا 2003 ب مەرەما هەڤپشکیێ پشکدارى ل گەل عیراقێ کریە بەلێ عیراقێ هەتا نها کورد وەکو هەڤپشک نەدیتە و گۆت: (رژێمێن ئێک ل دوڤ ئێکێ یێن عیراقى هەموو جورێن تاوانان بەرامبەر گەلێ کورد کرینە و چوو ژ وان ژى پێگیرنەبوویە ب دانا مافێن گەلێ کورد ، و سەرەراى کو مە بریارا ڕیفراندۆم بو سەربخوەیێ ل گەل عیراقێ گیروکریە ژى بەلێ سەرکرداتیا کوردستانێ بریار دا کو ڕیفراندۆمێ بکەت و هەر کەس و لایەنەکێ داخوازا پاشێخستنا ڕیفراندۆمێ بکەت ئەم داخوازا گەرنتیان ژێ دکەین )
زێدەتر گۆت: (حکومەتا عیراقێ پێگیرى ب دەستوورى و ماددا 140 کو تایبەتە ب دەڤەرێن ڤەقەتیایى ڤە نەکریە ، بریار بوو کو هێزێن پێشمەرگەى ببیتە پشکەک ژ سوپایێ عراقێ بەلێ ئەڤ یەک نەهاتەکرن ، و ل سالا 2011 ژى مە هوشیارى ل بارا خراب بوونا ڕەوشا عیراقێ دانە بەغدا بەلێ چوو بەرسڤ نەبوون ، دڤێت بەغدا قبول بکەت کو گەلێ کورد دێ ڕیفراندۆمێ ئەنجام دەت ، ئەم دێ دانوستاندنێن زێدەتر ژى ل گەل عیراقێ کەین و هەتا نها ژى چوو دەولەتێن جیهانى دژاتیا خوە بو ڕیفراندۆما هەرێما کوردستانێ دیارنەکریە)
بارزانى دیارکر ژى کو هەردەما سەربخوى یا هەرێما کوردستانێ ژى درۆست بوو ئەرکێ من ژى دوماهى دهێت و ئەز بو پوستى سەروکاتیا هەرێما کوردستانێ خوە بەربژێر ناکەم ڤە و دێ هەر مینم پێشمەرگە و زێدەتر گۆت: (ب چوو ڕەنگان ڕیفراندۆم کارتێکرنێ ل شەرێ داعش ناکەت و هێزێن پیشَمەرگەى هەیبەتا شەرێ داعش ژناڤبریە )
سەرۆکێ هەرێما کوردستانێ دیارکر ژى کو نها کوردستان د دەولەتەکا تایفى دا دبوریت و گۆت ژى: ( ڕیفراندۆم بۆ سەربخوەى یا کوردستانێ بو درۆستبوونا دەولەتەکا دیموکراتى و فیدرالى یە و هەموو پێکهاتەیێن کوردستانێ دێ خوە تێدا بینن و مافێن وان هێنە پاراستن ، ڕیفراندۆم چوو کارتێکرنێ ل پارچەیێن دن یێن کوردستانێ ناکەت )
ل بارا پەترولێ بارزانى گۆت: ( هەرێما کوردستانێ ئێکلایانە پەترۆل ڕەوانەیێ دەرڤە نەکریە هەتاکو حکومەتا عیراقێ بودجە و موچەییێن خەلکێ هەرێما کوردستانێ برى ، دوڤدا هەرێما کوردستانێ بریاردا پەترۆلا خوە سەربخوە بفروشیت)[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کرمانجی) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 824 keer bekeken
Schrijf uw commentaar over dit item!