پشتی هەڤڕکیێ د گەل نەخوەشیێ، کادرێ دێرینێ پارتی دیموکراتی کوردستان و نوونەرێنن پارتی ل تورکیا (عومەر میرانی) ل ڕۆژا #08-09-2022# وەغەرکر.
فازل میرانی سکرتێرێ مەکتەبا سیاسی یا پارتی د پەیامەکا بەهیداریێ دا بەلاڤکر” ب دلەکێ پر خەم و کۆڤان، برا و هەڤالێ ڕێبازا پارتیا مە عومەر میرانی پشتی هەڤڕکیەکا دژوار ل گەل نەخوەشیێ ب مخابنی ڤە وەغەرکر.. ڕەحمەتی هەموو ژیانا خوە بۆ گەلێ کورد و پارتی دیموکراتی کوردستان تەرخان کربوو، شەڤ و ڕۆژ دکرنە ئێک ژبۆ بجهئینانا ئەرکێن نیشتمانی و نەتەوی”.
مەکتەبا سیاسی یا پارتی ژی پەیامەکا بەهیداریێ بەلاڤکر و تێدا هاتیە” مخابن هەڤال و کادرێ خەباتکەر و دێرینێ پارتی (عومەر میرانی) خوارزایێ ڕێزدار(فازل میرانی) سکرتێرێ مەکتەبا سیاسی یا پارتی ب نەخوەشیێ وەغەرکر، سەرەخوەشیێ ل بەرێز (فازل میرانی) سکرتێرێ مەکتەبا سیاسی یا پارتی و بنەمال و هەموو کەسوکار و هەڤالێن ڕەحمەتی (عومەر میرانی) دکەین و لاڤا دکەین گیانێ وی ب بەهەشتا بەرین شاد بکەت”.
عومەر میرانی ل سالا 1954 ژ دایکبوویە و ل سالا َ1973 پەیوەندی ب شورەشا ئیلۆنا مەزن کریە و ل سنوورێ لقی 1 و پاشی ل سنووێ لقێ 3 چەکێ پێشمەرگایەتیێ و کوردایەتیێ هەلگرتیە ول مەکتەبا ناڤەندی یا ڕێکخستنێ درێژی ب خەباتا خوە یا پارتایەتی دایە و ل سالا 1977 ئاوارەی ئیرانێ بوویە، ل سالا 1986 هەتا سالا 1993 ل ئەمریکا درێژی ب کارێ خوە یێ حزبی دایە ل لژنا ناوچا ناشڤیل یا پارتی، پاشی ل پەیوەندیێن سنووری ل ئیبراهیم خەلیل درێژی ب کارێ خوە دایە و پاشی ب ئەرکێ نوونەرایەتیا پارتی ل تورکیا هاتبوو ڕاسپاردن.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کرمانجی) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 1,333 keer bekeken
Schrijf uw commentaar over dit item!