تۆرا #لالش#
بەرپرسێ تیپا گرعزێر یا هۆنەرێ شانۆیێ دیارکر،ل دەمەکێ نێزیک دێ ڤەگەرنە کوردستانێ و چەندین کارێن دی یێن هۆنەرێ شانۆیێ ل سەر ڕەوشا نۆکە یا ئێزدیان ئەنجام دەن.
سالم حسێن، بەرپرسێ تیپا گرعزێر یا هۆنەرێ شانۆیێ بۆ ڕۆژناما دەنگێ لالش ڕاگەهاند،تیپا گرعزێر یا هۆنەرێ شانۆیێ ل سالا 1998ل سەر دەستێ کۆمەکا قوتابیان هاتیە دامەزراندن،وی دەمی ئەم کۆمەکا قوتابیان بووین و حەزا مە ل سەر هۆنەرێ شانۆیێ هەبوو و گەلەک جارا مە شانۆگەری چێ دکرن ل قوتابخانێ و ژ دەرڤەیی قوتابخانێ ژی،زێدەباری گەلەک کورتە فلم ژی ژ ئالیێ ڤێ تیپێ ڤە هاتینە چێکرن ل دەڤەرا شنگالێ ،لێ وی دەمی نەدهاتن وێنەکرن و ئێکەم شانۆگەریا وان یا کو هاتیە وێنەکرن ل سالا 1999 بوو،ب وێنەکرنا وێ شانۆیێ خەلک گەلەک دلخۆش بوو،دناڤ خەلکی دا دەنگ ڤەدا.
زێدەتر گۆت:ل سالا 2003کورتە فلمەک بناڤێ فلمێ(مچۆ و ڕەشۆ) هاتە وێنەکرن و ئێکەم فلمێ کوردی بوو ل شنگالێ هاتە چێکرن و جەماوەرەکێ مەزن پەیداکر و ڕۆژ بۆ ڕۆژێ حەزژێکەرێن ڤێ تیپێ زێدەبوون و ئەڤ فلمە نەبتنێ ل کوردستانێ و عێراقێ هاتە بەلاڤکرن،بەلکو ل سووریا و تورکیا و هندەک وەلاتێن ئەورۆپی ژی هاتە بەلاڤکرن،هەروەسا هژمارەکا دی یا فلمان ل سەر دەستێ ڤێ تیپێ هاتینە چێکرن و پتریا وان ل شنگالێ هاتینە وێنەکرن،دهەمان دەمدا سێ شانۆگەری ژی هاتینە چێکرن یێن دەنگڤەدایی دناڤ خەلکی دا.
هەروەسا دیارکر،ل داویا سالا 2011 تیپا وان ژلایێ حکومەتا هەرێما کوردستانێ ڤە ب فەرمی هاتە دامەزراندن و ل داویا سالا 2012 بەخشینە بۆ هاتە تەرخانکرن و ب پشتەڤانیا حکومەتا هەرێمێ کارێ تیپا مە بهێزتر بوو هەتا سالا 2014،پشتی جینۆسایدا شنگالێ شەش کورتە فلم دماوێ سێ هەیڤان ل سەر دەستێ ڤێ تیپێ هاتنە چێکرن و ل سالا 2015 ئێکەم شانۆیا تراژیدی چێکرن ل سەر جینۆسایدا شنگالێ بناڤێ(شەڤا مرنێ)،زێدەباری فلمەکێ دن ژی پشتی جینۆسایدا شنگالێ هاتیە چێکرن و تێدا بەحسێ چاوانیا پێشوازیکرنا کچ و ژنێن ڕزگاربوویێن ئێزدی ژ دەستێ تیرۆرستێن داعشێ دهاتە کرن ،ئەڤ فلم ل گەلەک وەلاتان هاتە بەلاڤکرن ب تایبەت ل ئەورۆپا.
ناڤهاتی ل داویێ گۆت:پشتی کو بۆ ماوەیەکی ڤەقەتیاین ژ کارێن هۆنەری،ل دەمەکێ نێزیک دێ ڤەگەرنە کوردستانێ ڤە و بۆ ماوێ دوو هەیڤان دێ مینن،ژبۆ ئەنجامدانا چەندین کارێن دی یێن هۆنەرێ شانۆیێ ل سەر ڕەوشا نۆکە یا ئێزدیان.[1]
Dit item werd in het (کرمانجی - کوردیی سەروو) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 1,131 keer bekeken
Schrijf uw commentaar over dit item!