داستانۊ حەیدەری و سنۊبەرۍ
بەشۍ ویس و ششەمە
حەیدەر بەگ دمای تاریفدای سنۊبەرۍ، بە زامڎاری خېزیا و بە شەدەکەو سنۊبەرۍ کە بە هومەیلێ کەنیزېشەرە پەیش کیاستەبۍ، زامەکەش پېچا و سوارو ڕەخشەکەیش بی و گېڵاوە پەی شاری، چاگە دمای خېرئامای زامەکەش تیمار کریا.
هۊرېزا نە خاک، سیای سەرزەمین
شەدەش بەس وەزام، سوار بی وە زین
تا یاوا، بە شار، شیی بە یانەی وېش
حازر بین وە لاش، تەمام قەوم و خوېش
تەبیب ئاوەردەن، پەی زامی حەیدەر
نەبا، ناسۊر بۊ، زامانی سەروەر
بە واڎەی چڼ ڕۊ، تەبیب کەردش جەخت
تاکە ساڕېش بیی، زامی بوڵند بەخت
لوا وە حەمام، بەرئاما وە بەر
پۊشا، وە باڵاش، زیبای موعەتتەر
لوا بە حزوور، عەبباسی سانیی
مدرا، وەرانوەر پەی گیان فشانیی
ناگا نەزەر وست پادشای ئێران
دیا، بە ڕەونەق جەرگەی دلېران
کەردش تەماشای ئەندامی حەیدەر
مدران وە پاوە، چوون شەمسی خاوەر
زامێ نە مابەین ئەبرۊش دیارەن
هەر ماچی شکەفت، سای دەر مەغارەن
تەڵەب کەر دەردم، پەرسا جە حاڵش
جەو زامی کاریی، بەدری هیلالش
[1]