خانمە ئەکتەری بەناوبانگی هیندی، پریانکا چۆپرا، هاوسۆزیی خۆی بۆ مردنی #ژینا ئەمینی# نیشاندەدات و پەیامێک بڵاودەکاتەوە، لە کۆتایییەکەیدا بە زمانی کوردی نووسیویەتی: ژن، ژیان، ئازادی.
رۆژی پێنجشەممە 7-10-2022، پریانکا چۆپرا خانمە ئەکتەری بەناوبانگی هۆڵیوود لە پەڕەی تایبەتی خۆی لە ئینستاگرام وێنەیەکی ژینا ئەمینی بڵاوکردووەتەوە. هاوکات سەرکۆنەی مەرگی گوماناوی ئەو کچە کوردەی کردووە، کە دوای دەستگیرکردنی لەلایەن پۆلیسی ڕەوشتی ئێرانەوە گیانی لەدەستدا.
چۆپرا لەسەر وێنەکەی ژینا ئەمینی نوسیویەتی: ژنان لە ئێران و تەواوی جیهان هەستاونەتە سەر پێ و دەنگی خۆیان بەرزدەکەنەوە؛ هەروەها قژی خۆیان بە ئاشکرا دەبڕن و زۆر کەسیش خۆپێشاندان بۆ مەهسا ئەمینی دەکەن، کە پۆلیسی ڕەوشتی ئێران ژیانە گەنجانەکەی بە تووندوتیژترین شێوە لێسەند تەنیا بەهۆی ناڕێکیی پۆشینی سەرپۆش.
پریانکا چۆپرا، یەکێکە لە ئەکتەرە بەناوبانگەکانی جیهان، کە خاوەنی 10 خەڵاتی جیهانییە لە بواری فیلمسازیدا. هاوکات گۆرانیبێژ و مۆدێلی جلوبەرگیشە و سامانەکەی بە 70 ملیۆن دۆلار مەزەندە دەکرێت.
لە بەشێکی دیکەی نووسینەکەیدا چۆپرا سەرسامیی خۆی بۆ ئازایەتی ئەو ژنانە نیشان داوە، کە بە گوتەی خۆی، ژیانی خۆیان لەپێناو ئازادی و مافدا دەخەنە مەترسییەوە. دەشڵێت، ئەو دەنگە ناڕازییانەی چەندین ساڵە بێدەنگ کراون، لە کۆتاییدا وەکو گڕکان دەتەقنەوە.
پریانکا چۆپرا باس لە گرنگیی بەردەوامبوونی ناڕەزاییەکان دەکات و دەڵێت، پێویستە هەموو ژنان هاوشانی ژنانی ڕۆژهەڵاتی کوردستان و ئێران دەنگ هەڵبڕن و هانی کەسانی چواردەوریشیان بدەن، کە هەمان کار بکەن، چونکە تاوەکو زۆر بن زیاتر دەنگیان دەبیسترێت.
لە کۆتایی قسەکانیدا، پریانکا چۆپرا من لەگەڵتانم و بە کوردی نووسیویەتی، ژن، ژیان، ئازادی[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 2,544 keer bekeken
Schrijf uw commentaar over dit item!