داستانۊ حەیدەری و سنۊبەرۍ
بەشۍ چل و دوەمە

پیرەژەنەکۍ (دایە) شەدەکەش پەی حەیدەری ئاردۆ و تەمامو پېخامەکەیش پەنە یاونا:
(دایە) شەدەش سەند، جە لای سنۊبەر
ئاوەرد بە خزمەت، ئەو شېری سەدەر
تەمامی پېخام خورشیدی تابان
عەرزکەرد بە خزمەت، شېربەچەی ئێران
حەیدەر بەگ ئەژنی، خەم ئاوەرد نە دڵ
واتش: کاری من کەفتەن وە موشکېڵ
مەگەر شەهەنشای، موشکېڵ گوشاڎکەر
بیاوۊ بە داڎ، کەمینەی، کەمتەر
وەرنە سنۊبەر، کەفتەن، نە تۊڕدام
عیلاجش نېیەن، نمەبۊ، نەدام
واتش بە (دایە): ئەی یاری خەمخوار
فېکرێ کەر، پەرۍ، بەندەی مەینەتبار
ها وەختەن، جە داخ، پېخامی دولبەر
شۊڵەی دەروونم، عالەم گېرۊ وەر.
[1]