بەڕێوەبەری شوێنەوار و کەلەپووری دهۆک ڕایگەیاند، بەهۆی بوونی بنکە و بارەگاکانی پارتی کرێکارانی کوردستان (#پەکەکە#) و سوپای تورکیا و شەڕ و ئاڵۆزیی بەردەوام لە نێوان هەردوولایاندا 80 شوێنی شوێنەواری لەژێر مەترسیی لەناوچووندان.
د. بێکەس بریفکانی، بەڕێوەبەری شوێنەوار و کەلەپووری دهۆک، بە (باسنیوز)ی ڕاگەیاند: ''هەر لە کۆنەوە هەتا ئێستا شەڕی بەردەوام لە نێوان چەکدارانی پەکەکە و سوپای تورکیادا بووەتە هۆکاری ئەوەی کە ئێمە نەتوانین لە ناوچە جیاجیاکان ڕووپێوی و خزمەتی شوێنەوارەکان بکەین و بەدواداچوونیان بۆ بکرێت.''
گوتیشی: ''شەڕی پەکەکە و تورکیا زۆر شوێنی شوێنەواریی خستووەتە ژێر هەڕەشەی لەناوچوون و بەگوێرەی نوێترین داتاکان 80 شوێنی شوێنەواری لەژێر مەترسیی لەناوچووندان کە دەستی ئێمەیان پێ ڕاناگات.''
د. بێکەس بریفکانی ئاماژەی بەوەش دا: ''زۆر ڕێکخراومان هەیە بەدواداچوون بۆ شوێنەوارەکان دەکەن، بەڵام ئامادە نین لەو ناوچانەی مەترسییان لەسەرە بەدواداچوون بکەن، لەبەرئەوە، تاکە هیوای ئێمە ئەوەیە کە پەکەکە و تورکیا خۆیان لە ناوچەکە دوور بخەنەوە تاکوو شوێنەوارەکانی دەڤەرەکە خزمەت بکرێن.''
ئامادەکردن: #سارا سەردار#
[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 507 keer bekeken
Schrijf uw commentaar over dit item!