مەلا عوسمان هەبوو، ژ تائیفا خانیان، نەقل دکر، کو زڤستانێ ئەز دچوومە جزیرێ، ڕیا من ب گوندێ کەلهێ کەت، لاکین بڕۆژێ ل من بوویە تی پی و باکر، شەڤە دەرمایی پێنج شەش سەعاتان ژ شەڤێ چووی، ئەز گەهامە نێڤا گوندێ کەلهێ، کو خەلق حەموو ڕازاینە، دەنگ و حس تونینە، ڕاست چوومە دەرێ مزگەفتێ، کو دەری ڤەکریە، من ژی دەر ڤەکر، چوومە نێڤا مزگەفتێ، کو ئەز قەدەرەکێ ڕازێم حەتتا صوبە دبی، دنێڤا مزگەفتێ پێ من هنگفتە تشتەکی، تاری یە، من بدەستێ خوە سەﮪ کرێ، کو مرۆڤەکە ڕازیە، ئیجارێ من خوە بخوە گوت، کونێ ئەڤەژی وەکو من مێوانە، قەنجە ژ بۆی من ئولداشە، من ژی پشتا خوە دایە وی مرۆڤی و پێڤە زەلقاندی، ڕازام لاکین قەدەرەکێ دنڤم هشیار دبم، کو ئەو ئالا منێ کوب وی مرۆڤی زەلقی بوویە، وەکو جەمەدێ و تەزییە، لاکین ئەز فەرق ناکەم، ئیجارێ تەنیشتا خوە ڤەدگوزم و ئالێ دنی بوی مرۆڤی دزەلقینم، مەگەر ئەو مرۆڤ مرییە، نێزوکی ئێڤارێ فەوت بوویە، ئێدی سەر ب ئێڤارێ وەقت نەبوویە، دەفن نەکرینە و ئینانە دانینە مزگەفتێ، کو صوبەیێ ببەن دەفن بکەن، ئیجارێ ئەو مەلا عوسمان ژی بشەڤ هاتیە، وەسا زانیە، کو ئەو مری ساغ و ڕازایە، تەنشتا خوە دایێ، ڕازایە، مەلا عوسمان نەقل دکە، کو نێزوکی فەجرێ من دیت، کو دەرێ مزگەفتێ ڤەبوو، مەگەر ئیمام هاتە مزگەفتێ و چراغ هەلکر، وەکو ئەوی چراغ ڕوناهی کری، مەلا عوسمان ژتەنشت جنازەی ڕادبە و ڕوتنە، وەکو ئیمام چاڤ ب مەلا عوسمانی دکەڤە ژ تەنشت جنازەی سەرێ خوە هەلدگریتن و ڕادبتن، ئیمام وە زەن دکەتن کو ئەو مری ڕابوو، دترسە و ئای دبێژە، ئیمام دکەڤتن و ژخوە دچیتن، ئیجارێ گوندی تێن و ئاڤێ ب ئیمامی ڤەدڕەشینن، درەنگی ئێدی ئیمام بخوەڤە تێتن، ژوی دپرسن، کو چ بتە هاتی، کو عەقلێ تە چووی، و ژخوەڤەچووی، ئیمام دبێژە، کو وەکو من چراغ ڕوناهی کری، ئەڤی مرۆڤی، سەرێ خوە ژنک مەوتی هەلانی، من زەن کر کو ئەو مەوتییە ڕابوو، ئێدی ژ ترسان بێ ئختیار ئەز ژخوە ڤەچوومە، پاشی وی، ئیمام نەخوەش کەت، قەدەرێ دوو مەهان بێ کەیف ڕازای، پاشی شیفا دبیت.
#مەلا مەحموودی بایەزیدی# [1]
Dit item werd in het (کرمانجی - کوردیی سەروو) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 156 keer bekeken