نووسەر: ڕۆژهات لوقمان
فەرەنسا گرنگترین شینوارێن قەزا #ئامێدی#ێ دێ نۆژەن کەت
حکومەتا وەلاتێ فەرەنسا، ئەوا ب دۆستێن کەڤن یێن مللەتێ کورد دهێنە نیاسین، بریارا نۆژەنکرنا بەشەک ژ گرنگترین شینوارێن قەزا ئامێدیێ دایە.
وارشین سەلمان، قایمقامێ قەزا ئامێدیێ بۆ(باسکورد) دیارکر: هەر ئێک ژ ئۆلیڤیێ دیکۆتنی کونسوڵێ گشتی یێ کۆمارا فەرەنسا ل هەرێما کوردستانێ و ئیرک شوڤالیێ بالیوزێ کومارا فەرەنسا ل عیراقا فیدرال سەرەدانا قەزا ئامێدیێ کریە، ژ نێزیک هایداری ڕەوشا دەڤەرا مە بوونە و د هەمان دەمدا، بەرهەڤیا خۆ دیارکریە بۆ نۆژەنکرا بەشەک ژ گرنگترین شینوارێن قەزا ئامێدیێ.
قایمقامێ قەزا ئامێدیێ ئاماژە ب وێ چەندێ ژی دا: د سەرەدانا بالیۆز و کۆنسلێ فەرەنسا بۆ ئامێدیێ، بەرهەڤیا دوو ڕێکخراوێن فەرەنسی دیارکر بۆ نوژەنکرنا چەند شینوارێن گرنگ مینا(قۆتابخانا قۆبەهان / #قوتابخانەی قوبەهان#، مزگەفتا کەڤن یا ئامێدیێ، کەنیسا ئامێدیێ).
گۆتژی: قەزا ئامێدیێ ب کەرتێ گشتوکالی و گەشتیاری و شینواری گرنگە، لەورا گرنگیدان ب ڤان کەرتان دێ ڤەلڤینەکا باشتر ل دەڤەرێ پەیدا بیتن، ژبەر کۆ ئه و شینوارێن دێ هێنە نۆژەنکرن، مێژوویا وان بۆ بەری زێدەتر ژ 400 سالان بەری نۆکە دزڤریتن.
[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کرمانجی) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 669 keer bekeken
Schrijf uw commentaar over dit item!