Berdevkê Wezareta Berevaniyê ya Amerîkayê got Em berdewam in li dijî her çalakiyeke leşkerî li Sûriyê û Iraqê ku aramiya herêmê têk bide.Berdevkê Wezareta Berevaniyê Philip Ventura got: Ev çalakiyên leşkerî armanca me ya hevpar, di nav de şerê li dijî DAIŞ’ê û misogerkirina têkbirina tam a wan, dixe xeterê.Berdevkê Wezareta Berevaniya Amerîkayê derbarê daxuyaniya Serokomarê Tirkiyê Recep Tayyîp Erdogan a derbarê şandina hêzan bo #Rojavayê Kurdistanê# de ragihand “Em li dijî vê tevgerê ne û banga aramiyeke lezgîn dikin.”Li gorî agahiyên Rûdawê, berpirsên Amerîkayê li ser êrişan bi rayedarên Tirkiyê re axivîne û daxwaz ji wan kirine ku êrişên xwe rawestînin, herwiha ji Hêzên Sûriyeya Demokratîk jî gotine ku êrişî Tirkiyê nekin û rewşê aloztir nekin.Firokeyên şer ên artêşa Tirkiyê sibeha roja Yekşemê 20ê Mijdara 2022an di bin navê Operasyona Pence-Şûr de Taxa Nû ya Kobanî, Taxa Kaniya Kurdan, gundê Qeremûx û Girê Miştenûrê yên Kobanî, gundê Bêlûniyê yê Şehbayê ku koçberên Efrînê yên sala 2018ê lê bicih bûne û Zirgan, gundê Teqil Betil ê girêdayî bajarê Dêrikê û derdora Eyn Îsayê yên Rojavayê Kurdistanê bombebaran kirin. Tirkiyê her wiha li Başûrê Kurdistanê jî Çiyayê Qendîlê, Asos û Biradost bi dijwarî bombebaran kir. Kaynak: Amerîkayê li hember êrîşên Tirkiyê yên li ser Rojavayê Kurdistanê nerazîbûna xwe dubare kir[1]
Dit item werd in het (Kurmancî - Kurdîy Serû) geschreven, klik op het pictogram
om het item te openen in de originele taal!
Ev babet bi zimana (Kurmancî - Kurdîy Serû) hatiye nvîsandin, klîk li aykona
bike ji bu vekirina vî babetî bi vî zimana ku pî hatiye nvîsandin!
Dit item is 1,307 keer bekeken
Schrijf uw commentaar over dit item!