چېش جە بارەو هۆرامانیۆ نویسیان
ئەوەنویستەی و دەسکاریکەدەی: ئەسعەد ڕەشید
بەشۍ یەکەمە
دەربارەو هۆرامانی و ناوچەکەیش و شۊنەوارە قەڎییمیەکاش و خەڵکەکەیش، تاریخێ یان نویسیێوە یان هۊرکنیێوە کۊنمان نېیەن وەردەمەنە، کە بە تېروتەسەلی و ڕېکوپېکی و بۍ کەموکوڕی، بیەو نەبیە، هەم دیمەنە تاریکەکېما پەی ڕۊشنکەرۊوە.
ئانەی ئینا وەردەسەنە، فرەنا کەم سوودش چەنە گېریۊن، چوونکم ئانەی کە هەن، بېجگە ئانەی کە هەرکەسێ نویستەبۊوە بە قازانج و زەوق و ئارەزو وېش نویستەنشۆ، فرە ساکارەن و سوودی چامنەشە نېیەن کە شایانو باسی بۊن. چەنی ئانەیچە مەشۊم دەس پا سەرچەماوە گېرمۍ، چوونکم هەر ئانەمان هەن.
ئینایکلۆپیدیای ئیسلام:
پوختەو ئانەی کە چاگەنە ئامان، ماچۊ: سەرەتاو سەڎەو ویسەمی، یانی دۆروبەرو ساڵەکا(1915ز)، چن قەباڵێ دەسخەتیۍ ناوچەو هۆرامانی، کە بە نویستەی گریکی و پارسی نویسیێنۍ، دلۍ کووپەڵێوە گاڵ(هەرزن)ینە، جە ناوچەو هۆرامانی تەختینە ئېزیێنێ. دلېنەو قەباڵەکا سەنەڎێ ورەتەو ئەسای(مېوەدەیمێن)، میانو خاوەنو مېوەدەیمەکۍ و سانەرین(ئانەی ئەسانش)، چەنی نامۍ چن شاهېڎێ، کە ئاماڎۍ بیېنۍ، تاریخو نویستەی قەباڵەکا، مەگېڵۊوە پەی دەمو(88) و (12)(و.ز).
گەرچی واچۍ و کەرەسۍ زوانیۍ دلۍ ئا قەباڵۍ(ئانېشا کە پاسە جە قەڵەم دریێنە کە بە زوانی پالەوی نویسیێنە) فرە کەمەن، چەنی ئانەیچە تەواناو ئانەیش هەنە کە پېوەڼیێ فرە بەتین و کاریگەر چەنی زوانی کوردی بڎۊ دەسۆ، بە جۊرێ کە چەنی زوانە ئېرانییەکا تەری ئا پېوەڼییە بەدی نمەکریۊ.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 826 keer bekeken
Schrijf uw commentaar over dit item!