چېش جە بارەو هۆرامانیۆ نویسیان
ئەوەنویستەی و دەسکاریکەردەی: ئەسعەد ڕەشید
بەشۍ چوارەمە
-دەفتەرە دەسنویسەکۍ ئەهلو هەققی:
- دەفتەرەکۍ ئەهلو هەققی، یەرۍ جۊرېنۍ:
سەرەنجام و ڕمووزی یارسانی و دیوانە گەورە:
(سەرەنجام) دەفتەرو دینی ئەهلو هەقیەن، بە زوانی هۆرامی کۊن نویسیان، زەمەنێ فرە زوانەکەش باڵادەس بېیەن. تا سەردەمو بەرکەوتەی(شا موبارەک)ی گوزەرشکەرد و ئینجا چی سەردەمەنە بە پېویس زانیا کە ئا کەرەسە زوانییە تازەکریۊوە، سەرەنجام، (سەرەنجام) تازەکریاوەو چن پەنەۋازیێ دینیېش پەی زیاڎکریێ کە پەنەۋازیۍ ڕوانەو ئەهلو هەققینۍ. سەردەمو پېڎابېیەی(شا سەهاک)ی، شېوەو سەرەنجامی قاڵبو دەفتەرو دیوانی گۆرەیش وەرگېرت و شېوە زوانەکەش زیاتەر بە ئاراسەو تازەگەری هەنگامەش نېیا.
دەفتەرو ڕمووز و یارسانی، زوانو یاوانەی دینی یارە دینیەکاو ئەهلو هەقین، ئانېشا کە خۊنەوارېنۍ، یان هەسی دینیشان هەن، بە هۊربەسەکا دلۍ سەرەنجامی کەف و کوڵی دینیشان مجارە.
واتەکۍ(مەولا) و (شا خوشێن)(1015- 1074ز) و (شا سەهاک) بە سەرەنجامو دیوانە گۆرە نامۍ بریان، واتەکۍ(حەوتەوانەو حەوت تەن)یچ بە دەفتەرو ڕمووزو یارسانی قەڵەم دریان.
گومانش نېیەن چەنە، کە زوانو سەرەنجامی و دیوانە گۆرەی، بە کوردیێ فرە پەتی و دېرینی هۆرامانی، ڕمووزەکېچ بە شېوەو جیاوازی هۆرامی واچیێنۍ. جە سەرەنجام و دیوانە گۆرەنە، پاسە ئامان کە مەشۊم زوانشان بە زوانی کوردی هۆرامانی بۊن، نەک جافیی، کە مەبەسش کوردی شارەزووری و سورانییەن.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 496 keer bekeken
Schrijf uw commentaar over dit item!