جەنگو پردەو زەڵمی
ئەوەنویستەی و دەسکاریکەرڎەی: ئەسعەد ڕەشید
پېشمەرگۍ هېزو خەباتی کە مەڵبەندشان (تەوېڵۍ و بېیارۍ)بۍ، زمسانو 1964ز، پەلامارەو شارەسانو هەڵەبجەیشان، دا، ماوەو دوۍ حۆتا جەنگ چەنی سوپا، هەم جاشەکا بەردەوام بۍ، بېجگە مەخفەرو پولیسی، تەمامو شاری ئاما چېردەس، دماتەر میری، بە تەیارە، چن جارێ بۊمبا واران و شاریش کەرد، لیواو(20) بە پانزە ڕوۍ ئینجا سارەزوورۆ یاوا هەڵەبجەو شارش دەسو پېشمەرگەینە بەرئارد. پردەو زەڵمی، جەنگێ قارەمانانە کریا، چەکو پېشمەرگەی تەنیا تفەنگ بۍ، بەڵام دژمەن زیاتەر جە پاڼزە تانکا و یەرۍ هەزار سەربازاو چڼین جاشا، بەشدارۍ بېنۍ. چا جەنگەنە، پەنج پېشمەرگۍ شەهیدۍ بیۍ، کە(حەمە گوڵپی)، شەهیدێ دیاربۍ چەنەشا.
حەمە گوڵپی، پېشمەرگەو شوڕش و ئەیلوولی بۍ، وەهارو ساڵەو(1964ز)ی، گېیانو وېش، بەخشا بە نیشتیمانی. گوڵپ دەگێوە گۆرۍ هۆرامانینە، مەگنۊ پانیشتو وەرکۆتو خورماڵی. قەبرسانەکەو بېیارۍ، بڕێشان قەبرۍ پېشمەرگەکا هېزو خەباتینۍ، دیارەن زەرەرو دژمەنی، چن قات بېیەن. دمای جەنگو پردەو زەڵمی، ئیتر ڕاو مېیانو هۆرامانی و سلېمانی گېریا.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 285 keer bekeken
Schrijf uw commentaar over dit item!