#پارتی دیموکراتی کوردستان#، دەیەوێت پەیوەندییەکانی لەگەڵ لایەنە سیاسییەکانی هەرێمی کوردستان ئاسایی بکاتەوە.
بەقسەی مەحمود محەمەد وتەبێژی پارتی دیموکرات، لە ڕۆژی چوارشەممەوە #14-12-2022# دەست بە سەردان بۆ لای لایەنە سیاسییەکانی هەرێم دەکەن و ئەو سەردانانەش لایەنە ئێڕاقییەکانیش دەگرێتەوە.
لەبارەی ئامانجی سەردانی شاندی پارتی بۆ لای لایەنە سیاسییەکان، سەرچاوەیەک لە کۆمیتەی ناوەندی پارتی بۆ بوار ئاشکرایکرد، ئامانجی سەرەکی سەردانەکە بۆ ئەوەیە پارتی پەیوەندییەکانی لەگەڵ لایەنەکان ئاسایی بکاتەوە.
سەرچاوەکە، کە داوای کرد ناوی بڵاونەکرێتەوە ئاشکراشیکرد، لەدوای کۆنگرەی چواردەی پارتی لە کۆبوونەوەی کۆمیتەی ناوەندی بڕیاردرا پارتی لاپەڕەی نوێ لەگەڵ لایەنەکانی هەرێم بکاتەوە و بۆ ئەوەش دەست بە کۆبوونەوە لەگەڵ گشت لایەنەکان دەکەن.
ئەو سەرچاوەیە باسی لەوەش کرد، پارتی بەرنامەی هەیە دوای ئاسایی کردنەوەی پەیوەندییەکانی لەگەڵ لایەنەکان، لەسەر بابەتە هەستیارەکان، گفتوگۆ لەگەڵ سەرجەم لایەنەکان بکات و چارەسەری کێشەکانیان لەگەڵ بکات. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 576 keer bekeken
Schrijf uw commentaar over dit item!