سەرۆک وەزیرانی پێشووی ئێڕاق، لەسەر بەرزبوونەوەی نرخی دۆلار ڕاگەیەندراوێکی بڵاوکردەوە و ئاماژەی بەوە کردووە، پێویستە ڕێگری بکرێت لە بردنە دەرەوەی دۆلار و سنوورێک دابنرێت بۆ دۆخی خراپی دراوی ئێڕاقی و حکومەتی ئێڕاق بە بەرپرسیارێتی ئەرکەکانی هەڵبستێت.
#مستەفا کازمی# ئەمڕۆ لە ڕاگەیەنراوێکدا ئاماژەی بە بەشێک لە دەستکەوتەکانی حکومەتی پێشوو کردووە لە ڕوبەڕوبونەوەی گەندەڵی و پاراستنی مافەکانی مرۆڤ و جەخت دەکاتەوە لەوەی پێویستە دۆسییەکانی گەندەڵی بە گوێرەی بڕیاری دادگا و بەڕێکاری یاسایی ئەنجام بدرێن و نابێت لەژێر هیچ فشارێکدا خەڵک بەبێ بڕیاری دادوەر دەستگیر بکرێت یان ئازاد بکرێت.
ئەوەشی خستوەتەڕوو، پەیوەست بە نرخی دۆلاریش بەرانبەر دینار، جەخت دەکاتەوە لەوەی پێویستە هاوکاری لەنێوان کەرتی گشتی، دامەزراوەکانی دەوڵەت و کەرتی تایبەت هەبێت، حکومەتی پێشووش وتاری جوڵاندنی هەست و سۆزی شەقام و شاردنەوەی ڕاستییەکانی ڕەتکردەوە چونکە ئەو هەنگاوە گرفتەکانی زیاتر ئاڵۆز دەکرد.
هەروەها کازمى بەرگرى لە لیژنەى بنبڕکردنى گەندەڵى دەکات کە لە ساڵى 2020 و لەسەردەمى دەسەڵاتى ئەودا دامەزرا و بە گوتەى سەرۆک وەزیرانى پێشوو پێکهێنانى لیژنەکە لەسەر داواکاریى جەماوەرى بووە و هیچ بڕیارێکى دەستگیرکردنى بەبێ فەرمانى دادگەى تایبەتمەند نەکراوە.
سەرۆک وەزیرانی پێشوی ئێڕاق دەڵێت، پاراستنی ژیان و ئاساییشی هاووڵاتیانی ئێڕاق ئەرکی هەموو لایەنەکانە و داواش لە هەمووان دەکات کار بکەن بۆ جێگیرکردنی نرخی دۆلار و ڕاگرتنی ئەو پەرش و بڵاویەی سەبارەت بە سیاسەتی نەختینەیی دراوی بیانی و هەڵاوسانی ئابووری بڵاودەکرێتەوە. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 737 keer bekeken
Schrijf uw commentaar over dit item!