ناونیشانی بابەت: زیاد بوونی کێش و قەڵەوی لە پایزدا
ئامادەکردن: د. #کامەران ژاژڵەیی#

$پێنج هۆکاری زۆر گرنگ$
1- وەرزش نەکردن و کەم بوونەوەی جووڵە: سەرما و دابەزینی پلەی گەرما دەبێتەهۆی کەم بوونەوەی ئارەزووی وەرزش و ڕێگەگرتن لە چالاکیە وەرزشیەکانی وەک ڕویشتن بە پێ و مەلە کردن و پاسکیل سواری ، لە هەمان کات دا مانەوە لە ماڵەوە بۆ ماوەیەکی زۆر دەبێتە هۆی خواردنی بڕێکی زۆر لە خۆراک.
2- تووشبوون بە خەمۆکی وەرزی پایز: وەرزی پایز لە کۆمەڵێک کەس بە تێکچوونی میزاج و دڵتەنگی و زیاد بوونی دڵەڕاوکێ و کێشەی دەروونی ناسراوە ئەمەش پاڵ بە هەندێ کەسەوە دەنێت زیاتر پەنا بۆ زۆر خواردنی شیرینی بەرێت وەک نەستەلە و ئیشی هەویر.
3- تێکچوونی ئاستی هۆرمۆنەکان: بە تایبەت لەگەڵ هەڵکشانی تەمەن وەک نزم بوونەوەی ئاستی هۆرمۆنی ئیسترۆجین لە خانمان و تێستیڕۆن لە پیاوان ، هەروەها بەرز بوونەوەی ئاستی هۆرمۆنی میلاتۆنین کە لێپرسراوە لە ڕێکخستنی کاتژمێری بایۆلۆژی جەستە و کۆنتڕۆڵکردنی جەستە.
4- خواردنی بڕێکی زیاتر لە و خۆراک: دوور و دێژی شەوگار دەبێتە هۆی زۆر خواردن بەهۆی بێزاری و مەلەلەوە ، هەروەها هەستکردن بە سەرما ڕەنگە ببێتە هۆی زیاد بوونی ئیشتها بە مەبەستی گەرم بوونەوەی لەش ، جگە لەوەی خواردن لە کاتی سەرما تاموچێژی خۆشترە ، هەروەها لە کوردستان زیاتر ئەو خواردنانە دەخۆرێت کە بڕێکی زۆر وەزیان تێدایە وەک سەروپێ ، نۆکاوی پڕ چەوری و دوگ و بەز ، محلەبی ، کاستەر ، جۆرەکانی شیرینی.
5- نەخواردنەوەی بڕی پێویست لە ئاو چونکە لە کەشی سارد کەمتر هەست بە تینیووەتی دەکەیت ٫ لە هەمان کات دا نەخواردنی بڕی پێویست لە سەوزە و میوە کە دەوڵەمەندن بە ئاو. [1]