کاتێک دەڕۆیت بۆ گۆشتفڕۆشییەک، چەندین گۆشتی جۆراوجۆر دەبینیت، ڕەنگە ئەزموونی زۆرت نەبێت یان بەهۆی گۆشتفڕۆشەکە بیەوێت گۆشتەکەی نوێ و جوان دەربخات، بەڵام بە چەند ڕێگەیەک دەتوانیت گۆشتێکی فرێش و بێ فێڵ بکڕیت.
1- بۆنی بکە، چونکە ئەمە خێراترین ڕێگەیە بۆئەوەی بتوانیت گۆشتێکی خراپبوو لە گۆشتێکی فرێش جیابکەیتەوە.
2- دەستی لێبدە، هەندێک کات گۆشتی خراپبوو دەست دەگرێت، بەڵام وریابە دەکرێت گۆشتفڕۆشەکە بە شتنەوەی گۆشتەکە وابکات گۆشتەکەی دەست نەگرێت، لەو کاتەدا کەمێک فشار لە گۆشتەکە بکە و بۆت دەردەکەوێت خراپ بوو بێت یان نا.
3- سەرنجی ڕەنگەکەی بدە، کاتێک گۆشت خراپ دەبێت، ڕەنگەکەی تۆخ و تاریک دەبێت، بە پێچەوانەی ئەوکاتەی کە تازەیە، ڕەنگەکەی ئاڵ و گەشە.
4- تەماشای ڕەنگی چەورییەکەی بکە، لە کاتی ئاساییدا ڕەنگەکەی زەردێکی کاڵە، بەڵام کاتێک تێکدەچێت و خراپ دەبێت، ڕەنگەکەی تۆخ دەبێتەوە و بەلای پرتەقاڵیدا دەچێت.
5- تەماشای بکە بزانە هیچ پەڵەیەکی پێوە نییە، ئەگەر هەستت کرد پەڵەی ڕەساسی یان سپی پێوەیە، بە زوویی لێی دووربکەوەرەوە، چونکە ئەوە گەورەترین بەڵگەیە لەسەر نەخۆشکەوتنی ئاژەڵەکە و خراپبوونی گۆشتەکەی. [1]
Dit item werd in het (کوردیی ناوەڕاست - Central Kurdish) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 546 keer bekeken
Schrijf uw commentaar over dit item!