بەپێی بڕیارێکی کۆمیتەی ناوەندی #پارتی دیموکراتی کوردستان#، ئەو ئەندامانەی مەکتەبی سیاسی پارتی کە پۆستی باڵای حکومی و پەڕڵەمانیان هەیە، دەبێت دەست لەکاربکێشنەوە و خۆیان یەکلایی بکەنەوە بۆ کاری حیزبی.
بەپێی بڕیارەکەی کۆمیتەی ناوەندی پارتی، هەر یەک لە #پشتیوان سادق# وەزیری ئەوقاف و کاروباری ئایینی، #هێمن هەورامی# جێگری سەرۆکی پەڕڵەمانی کوردستان، #سەربەست لەزگین# بریکاری وەزارەتی پێشمەرگە و زاگرۆس فەتاح کەمال بریکاری وەزارەتی پلاندانان، #فوئاد حسێن#، وەزیری دەرەوەی ئێراق، دەبێت دەست لە پۆستەکانیان بکێشنەوە و جێگرەوەیان بۆ دیار بکرێت. هەروەها پارتی دیموکراتی کوردستان هەر یەک لە #لیزا فەلەکەددین کاکەیی# و جوان ڕۆژبەیانیش لەپەڕڵەمانی کوردستان دەکشێنێتەوە و لە شوێنی ئەوان دوو کەسی دیکە دەبێت سوێندی یاسایی بخۆن.
بەهۆی کێشە ناوخۆییەکانی پارتی و یەکێتی سەرجەم ئاڵوگۆڕی پۆستەکان وەستێنراون. بەو پێیەی دەست بەکاربوونی شوێنگرەوەی ئەو بەرپرسانەی پارتی پێویستی بە کۆبوونەوەی پەڕڵەمانی کوردستان هەیە و دەبێت بەرپرسە نوێییەکانی کابینەی نۆیەمی حکومەتی هەرێم لە پەڕڵەمانەوە متمانەیان پێبدرێت.
کێشەکانی نێوان پارتی و یەکێتی تەنیا دەست بەکار بوونی ئەو بەرپرسانەی پارتی نەوەستاندووە، بەڵکوو #یەکێتیی نیشتمانیی کوردستان#یش کە بەنیازە لەجێی #شۆڕش ئیسماعیل#، ڕێباز بێرکۆتی بکاتە وەزیری پێشمەرگە و ئەحمەد عەسکەری لە جێی خالید شوانی وەزیری هەرێم بۆ کارباری دانووستان لەگەڵ حکومەتی فیدراڵ، دابنێت. ئەو ئاڵوگۆڕانەش ڕاگیراون و هەمووی کراوەتە یەک پاکێج. [1]
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 552 keer bekeken
Schrijf uw commentaar over dit item!