#ئامینە زکری#، ئەندامی مەکتەبی سیاسی پارتی:
$با خەڵک دادوەربن$
پەیامی بەڕێز سەرۆکی حکوومەتی هەرێمی کوردستان زۆر خاڵی لەسەر ئەو پرسیارانە دانا کە خەڵکی هەرێمی کوردستان هەیبوو، زۆر بە ڕوونی و ئاشکرایی و بێ پێچ و پەنا هەموو شتێکی خستە بەردەم هاونیشتمانیان، دوای ئەم پەیامەش با ئیتر خەڵک خۆیان دادوەربن.
بەڕێز #مەسرور بارزانی# تائێستا #16-01-2023# سەرۆکی حکوومەتێک بووە کە شەریکە سەرەکییەکەی بەقەد نەیارەکانی لەسەنگەر بووە بۆی، لەپاڵ قەیرانە یەک لەدوای یەکەکان و ئەو کێشە و تەگەرانەی هاتوونەتە پێش لەهەمان کاتدا یەکێتی بۆ بڕیارە سەرتاسەرییەکانی لەمپەر درووست بکات و بیەوێت ئەرزش بۆ دامەزراوە یاساییەکانی هەرێم نەمێنێت و هەموو خەون و خەیاڵ و ستراتیژیان لەلای ئاژەوە و تیرۆر و (تەسفیە حسابی) ناوخۆیان بێت و بە پارە و داهاتی خەڵک و بەکارهێنانی هێزی ئەمنی و دەسەڵاتی حکوومی خزمەتی چەند کەسێک بکرێت.
بەڕێز مەسرور بارزانی لەسەرەتای ئەم کابینەیەوە دروشمی شەفافیەت و خستنە ڕووی هەموو داتایەکی بۆ خەڵک بڵند کردووە و کاری بۆ کردووە و ئەم بەیاننامە وردەش کە بڵاوکرایەوە دووپاتی ئەم شەفافیەتەیە بۆ خەڵک.
ئەم حکوومەتە و سەرۆکەکەی نیشانیاندا سازش ناکات لەسەر چاکسازی وبڕیاری سەرتاسەری و وەرگرتنەوەی داهات بۆ خەڵک لەبری ئەوەی بۆ چەند کەسێک بێت، سازش ناکات لە پاراستنی ئارامی و سەقامگیری و ڕێگری لە تیرۆر و هەموو ئەو داواکارییانەی کەخواستی خەڵکن!
[1]
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 713 keer bekeken
Schrijf uw commentaar over dit item!