ناونیشانی بابەت: ئایینی جوو و شوێنەوارەکانی لە #کوردستان#دا/ بەشی حەوتم
ئامادەکردنی: #سارا سەردار#
هەر لەسەر کەسایەتییە بەناوبانگەکانی #ئایینی جوو# لە کوردستان، دەتوانین ئاماژە بە کەسایەتیی خاتوو (#ئەسینات بارزانی#) بکەین، کە کچی یەکێک لە حاخامەکانی ناوچەی مووسڵ بوو، کە لەبەر زیرەکی و لێهاتوویی خۆی توانیی هەموو بەشەکانی خوێندنی ئایینی و زانستی لە کنیشک لای باوکی تەواو بکات و بگاتە پلەی حاخامی، کە ئەوەیش هەتا ئەو کاتە لە مێژووی ئایینی جوو شتێکی نوێ بوو و یەکەم جار بوو ڕوو بدات.
ئەسینات لەدایکبووی ساڵی 1590، لە شاری مووسڵ، کچی (سامویلی کوڕی نیتانێل) ە، کە یەکێک لە بەناوبانگترین و دیارترین بانگخوازەکانی کورد بووە، ئەو لەدوای مردنی باوکی، ئەرکی سەرکردایەتیی بواری ئایینیی جووەکانی ناوچەی مووسڵ و ئامێدی وەردەگرێت و دەبێتە کەسایەتییەکی گرنگ و دیاری جووەکان لە کوردستان.
$ئەسینات لە ساڵی 1670 کۆچی دوایی کرد و گۆڕەکەیشی لە شاری ئامێدییەیە.$
جووەکان لە ئێراق بە گشتی و لە کوردستان بەتایبەت، خاوەن شوێن و پێگەی تایبەت بۆ جێبەجێکردنی ڕێوڕەسمە ئایینییەکانیان بوون، کە لە کاتی بۆنە و جەژنەکان زۆربەی خەڵکی جوو لەو مەراسیمە و لەو شوێنە ئایینییە، کە ناوی (کەنست) بوو، ئامادە دەبوون و ڕێوڕەسەمەکەیان جێبەجێ دەکرد.
بە شێوەیەکی گشتی، دەتوانین بڵێین هەتا درووستبوون و گەشەکردنی (زایۆنیزم) و بڵاوبوونەوەی ئەم بیروڕایە لەناو خەڵک، جووەکان لە کوردستان هەتا ڕادەیەکی باش لە ژیانێکی سادە و دوور لە کێشە دەژیان.
$سەبارەت بە پەیوەندیی کۆمەڵایەتیی خەڵکی جوو و موسڵمان لە کوردستان$،
بە گشتی پەیوەندیی باشیان هەبووە و لەگەڵ یەکدا تێکەڵاوییان هەبووە و زۆر جار لە کاتی بۆنە و ئاهەنگەکان سەردانی یەکتریان کردووە و تەنانەت هاتوچۆی خێزانیشیان هەبووە، لەناو سەرچاوەکان و چیرۆکە ڕاستەقینەکاندا هاتووە، کە هەندێ جار پەیوەندیی ژن و ژنخوازی لەنێوان موسڵمانەکان و جووەکاندا هەبووە، کە ئەوەیش زۆربەی جار بە گۆڕینی ئایینی یەکێک لە لایەنەکان، سەری گرتووە.
ئەم پەیوەندییە بەم شێوازە و هەندێ جاریش بە خۆ دوورگرتن و تێکەڵنەبوونی هەردوو لا بەردەوام بووە، هەتا کاتی سەرهەڵدانی بیرۆکەی زایۆنیزم و بزووتنەوەی نەتەوەیی جوو بۆ پاراستنی شوناس و ڕەگەزی خۆیان لەبەرانبەر کۆمەڵکوژیی زلهێزە دژە جووەکان لە سەرانسەری دنیا.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,422 keer bekeken
Schrijf uw commentaar over dit item!