$شانامەی کوردی$بریتییە لە بڕێک هۆنراوەی کوردی کە لە سەردەمانی کۆنەوە بە شێوەیەکی زارەکی لەنێوان خەڵکی کوردەواریدا باو بووە.
لە ناو عامەی خەڵکدا نووسینەوەی زۆربەی شانامەی کوردی دراوەتە پاڵ #ئەڵماس خانی کەندۆڵەیی# شاعیری کوردەوە.
شارام نازری لە ئەلبۆمی ئاوازی ئەساتیردا بەشگەلێک لە شانامەی کوردیی بە کار ھێناوە.
شانامەی کوردی دەکاتە هەموو ئەو شانامە و ئەفسانانانەی کە لە سەردەمێکی دێرینە وە تۆمار کراون و زۆربەی ئەو چیرۆکانەن کە تا ئێستا دەماودەم دەگێڕێنەوەو تێکەڵی کلتووری نەتەوەکانی تری چواردەورمان بوون و هەندێکیان ساغ کراونەتەوە کە لە بناغەدا هی چ نەتەوەیەکە و ئەم چیرۆکانە کە چیرۆکی شیعرین و زۆربەیان دەگەڕێتەوە بۆ ئەو چیرۆکە شیعریانەی کە ئەڵماس خانی کەندوڵەیی نووسیویەتی و چیرۆکەکانیش گەلێکن، وەک (خورشیدو خەرامان یان خورشیدو خاوەر) و (شیرین و فەرهاد یان شیرین و خەسرەو) و (هەفت لەشکر یان هەفت پەیکەر) و (نادرو تۆپاڵ یان نادرنامە) و (رۆستەم و زۆراب) و (مەنیژەو بیژەن) و (کەنیزەک و یانزە ڕەزم) و (شەماڵ و زەلان) و گەلێکی ترو زۆربەی ئەم چیرۆکانە دەگەڕێنەوەو تۆمار کراون لە ناوچەی ئیلامی ڕۆژهەڵاتی کوردستان.
ئەم چیرۆکانە لە چوارچێوەی تیۆری ئەدەبی حەماسی و پاڵەوانی کورد داڕێژراوەو سێ لایەنی تێدایە ئەویش لایەنی ئەفسانەیی، ئایینی و مێژویی.
تا ئێستا توێژینەوە و لێکۆڵینەوە بەردەوامە لەسەر ساغکردنەوەی مێژویی شانامەکان کە بۆ چ سەردەمێک دەگەڕێنەوە و لە ڕۆژهەڵاتی کوردستان گەلێک توێژەرەوەی وەک زاهیری سارایی و بەهرۆزی چەمەن ئارا و فەرهادی عیزەتی کاری زۆریان کردووە لەسەر ئەوەی بیسەلمێنن کە شانامەی کوردی لە پێش شانامەی فیردەوسی نووسراوەتەوەو لە سەردەمێکی زۆر دێریندا لە حەلقەی سیستانی چەندین جۆری گێڕانەوەی شانامە هەیە. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 489 keer bekeken
Schrijf uw commentaar over dit item!