ئەمڕۆ #23-01-2023# #بافڵ تاڵەبانى# سەرۆکى #یەکێتیی نیشتمانیی کوردستان# و وەفدێکى هاوڕێى، چوونە مەکۆى سەرەکى #بزووتنەوەى گۆڕان# لە گردى زەرگەتەى شارى #سلێمانى# لە ئاستى لوتکەدا کۆبوونەوە، دواى کۆبوونەوەکەش لە کۆنگرەیەکى ڕۆژنامەوانیدا، #دلێر عەبدولخالق# وتەبێژى گۆڕان وتى:باسى کێشە سیاسییەکانمان کرد کە پەیوەندیی بە #پارتى دیموکراتی کوردستان# و یەکێتیەوە هەیە، بەڵام ئەوەى گرنگە ئەوەیە، بەمزوانە ئەو دوو لایەنە کۆبوونەوە.
لەلایەکى دیکەوە و هەر دواى کۆبوونەوەکەیان لەگەڵ تاڵەبانى، یاسین حەمە عەلی بەرپرسی ژووری هەڵبژاردنی گۆڕان ئاشکرایکرد، بەم نزیکانە پارتی و یەکێتی کۆدەبنەوە.
لەبارەی هەڵبژاردنەکانی داهاتووی پەڕڵەمانیش بەرپرسەکەى گۆڕان وتویەتى: گۆڕان پێشنیازیکردووە هەڵبژاردن بکرێتە فرەبازنەیی لە هەرێمى کوردستان.
ئەوەشى وت: هەڵبژاردن بکرێتە فرە بازنەیی و تۆماری بایۆمەتری بکرێت، گۆڕان لە کۆبوونەوەکەدا لەگەڵ تاڵەبانى داوایکرد، یاسای ئێستای هەڵبژاردنەکان هەمواربکرێتەوە یان یاسایەکی نوێ دەربچێت.
هەروەک جەختیکردەوە، گۆڕان پێشنیازیکردووە دەنگدانی تایبەت نەمێنێت و پێکهاتەکانیش لە هەڵبژاردندا تۆمار و بنکەی تایبەت بەخۆیان هەبێت. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 479 keer bekeken
Schrijf uw commentaar over dit item!