بەهۆی ڕووداوی سرووشتی بوومەلەرزەوە لە ناوچەکانی باکوور و ڕۆژاوای کوردستان، فراکسیۆنی یەکێتی لە ئەنجوومەنی نوێنەرانی ئێراق پەیامێکی هاوخەمی بڵاوکردەوە و هاوخەمی ئاڕاستەی قوربانییەکان کردووە داواش لە خوای گەورە دەکات شیفای بریندارەکان بدات. دەقی پەیامەکەی پەیامێک لە فراکسیۆنی یەکێتی لە ئەنجوومەنی نوێنەرانی ئێراق: پەیامێک لە فراکسیۆنی یەکێتی لە ئەنجوومەنی نوێنەرانی ئێراقەوە بەهۆی ڕووداوی سرووشتی بوومەلەرزەوە، لە وڵاتانی تورکیا و سووریا زیانی گیانی و ماڵی زۆری لێکەوتەوە، بەتایبەتی ناوچەکانی باکووری کوردستان و ڕۆژاوای کوردستان، کە دەیان هاووڵاتی گیانیان لەدەستداوە و دەیانی تریش برینداربوون و سەدان هاووڵاتی تریش بێ ماڵ و حاڵ بوون و دەیان خانوو و باڵەخانەش ڕووخاون. فراکسیۆنی یەکێتی لە ئەنجوومەنی نوێنەرانی ئێراق بە خەم و پەژارەیەکی زۆرەوە، هاوخەمیی خۆی دەگەیەنێتە قوربانییەکان و لە خوای گەورەش دەپاڕێتەوە کە شیفای بریندارەکان بدات. داوا لە حکومەتی ئێراقی فیدراڵ و حکومەتی هەرێمی کوردستان و هەموو وڵاتانی دۆست و ئاژانس و ڕێکخراوە فریاگوزارییە نێودەوڵەتییەکان دەکەین بە هانای خەڵکی لێقەوماوی ڕۆژاوا و باکووری کوردستانەوە بچن و ئەرکی مرۆڤ دۆستی خۆیان بەجێبگەیەنن. فراکسیۆنی یەکێتی لە ئەنجوومەنی نوێنەرانی ئێراق. [1]
#06-02-2023#
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 720 keer bekeken
Schrijf uw commentaar over dit item!