ڕۆژی پێنجشەممە #02-02-2023# لە سەڵاحەدین سەرۆک #مەسعود بارزانی# پێشوازی لە (مایک برایسۆن ڕیچاردسۆن) باڵیۆزی بەڕیتانیا لە ئێراق کرد.
لە کۆبوونەوەکەدا کە (ڕۆزی کەیڤ) کونسوڵی بەڕیتانیا لە #هەولێری#ش ئامادەی بوو، بارودۆخی سیاسی و دواپێشهاتەکانی ناو پڕۆسەی سیاسیی هەرێمی کوردستان تاوتوێ کرا و باڵیۆزی بەڕیتانیا لە ئێراق خۆشحاڵیی خۆی بە هەنگاوەکانی لایەنە سیاسییەکان بۆ گفتوگۆ و گەیشتن بە چارەسەری گونجاو و هاوبەش نیشاندا. لە بەشێکی ئەو دیدارەدا پەیوەست بە پرسە سیاسییەکانی هەرێم سەرۆک بارزانی جەختی لەوە کردەوە کە بەرژەوەندیی گەلی کوردستان لەسەرووی هەموو بەرژەوەندییەکی ترە ، پێویستە هەڵبژاردنەکانی هەرێمی کوردستان بەڕێوەبچن و هیچ پرس و بیانوویەکی تریش بۆ دواخستنی جێگەی قبووڵ نییە.
هەر لەو دیدارەدا بیروڕا لەبارەی چاکسازییەکانی وەزارەتی پێشمەرگە ئاڵوگۆڕ کرا و جەختیش لەوە کرایەوە کە پێویستە ڕێکخستن و نوێکردنەوە و چاکسازیی لەناو ڕیزەکانی هێزی پێشمەرگەی کوردستان لەگەڵ پڕەنسیپ و مۆڕاڵ و سەروەرییەکانی پێشمەرگەدا هاوتا بێت.
کۆسپ و تەگەرەکانی بەردەم پەیوەندییەکانی نێوان حکوومەتی هەرێم و حکوومەتی فیدڕاڵی ئێراق تەوەرێکی تری ئەو دیدارە بوو.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 588 keer bekeken
Schrijf uw commentaar over dit item!