وەزیرێ تەندروستیێ یێ حکومەتا هەرێما کوردستانێ سامان بەرزنجی ڕاگهاند، هەتا نها نێزیکی 20 تۆن دەرمان و پێدڤیێن پزیشکی ژ بۆ زیاندیتیێن ئەردهەژا باکورێ کوردستانێ، ترکیە و سووریێ شاندنە.
سامان بەرزنجی د کۆنفەرانسەکە ڕۆژنامەڤانیێ دە دەربارێ ئالیکاریێن حکوومەتا هەرێما کوردستانێ بۆ زیاندیتیێن ئەردهەژا ل باکورێ کوردستانێ، ترکیە و سووریێ ڕاگهاند، ب سەرپەرشتیا پارێزگار و سەرپەرشتیارێن ئیدارەیێن سەربخوە، کامپانیایا کۆمکرنا ئالیکاریان ژ بۆ زیاندیتیێن ئەردهەژێ ل باژارێن هەرێما کوردستانێ هاتیە دەستپێکرن.
بەرزنجی دیار کر: «وەزارەتا تەندروستیێ یا ترکیێ ب ڕێیا کۆنسولخانەیا ترکیێ یا ل هەرێما کوردستانێ ب فەرمی داخواز کر کو دەرمان و پێدڤیێن تەندروستیێ زێدەتر پێشکێشی ترکیێ بکن، ژ بەر کو هەژمارەکە مەزن یا وەلاتیێن ترکیێ، پێویستیا وان ب چارەسەریەکا تەندروستی هەیە، ل سەر ڕزامەندی و ڕاسپاردەیا سەرۆکوەزیرێ هەرێما کوردستانێ کو هەموو ئامادەهی ژ بۆ ئالیکاریێ نیشان دایە، ئەم وەک وەزارەتا تەندروستیێ د کۆمکرنا ئالیکاریان دە ژ بۆ زیاندیتیێن ئەردهەژێ، بەشدارن».
وەزیرێ تەندروستیێ ئەشکەرە کر: «هەتا نها نێزیکی 20 تۆن دەرمان و پێدڤیێن پزیشکی ژ بۆ زیاندیتیێن ئەردهەژێ هاتن شاندن، د هەمان دەمێ دە دەزگەها خێرخوازی یا بارزانی گەلەک پێدڤیێن پزیشکی شاندن و بەشەکە دن ژی ئامادە کرنە».[1]
Dit item werd in het (کرمانجی - کوردیی سەروو) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 728 keer bekeken
Schrijf uw commentaar over dit item!