#عەبدوڵڵا موهتەدی# سکرتێری کۆمەڵەی زەحمەتکێشانی ڕۆژهەڵاتی کوردستان لە چاوپێکەوتنێکیدا ئاشکرایکردووە، خۆپیشاندان و ناڕەزاییەکانی ئێران بەرەو کۆتایی نەڕۆیشتووە، بەڵام هەموو خەباتێک هەڵسوکەوتێکی هەیە و پێویستی بە پشوو هەیە و خەڵکیش پێویستیان بە پشوودان هەیە.
سەبارەت بە مەترسی هێرشەکانی ئێرانیش، موهتەدى وتویەتى: من ناتوانم وردەکاریتان بدەمێ، بەڵام ڕێوشوێنی پێویستمان گرتۆتەبەر بۆ ئەوەی لە هێرشی موشەکی و هێرشی درۆنی باشتر خۆمان بپارێزین، بەڵام ناشتوانم بڵێم کە چۆڵمان کردووە شتی وانییە.
سەبارەت بە کۆبوونەوەشیان لەگەڵ پژاک، موهتەدى ئاشکراشیکردووە، ناوەندی هاوکاری حزبەکانی ڕۆژهەڵات لەگەڵ #پارتی ژیانی ئازاد#ی کوردستان (پژاک) لە هەرێمی کوردستان کۆبوونەوەیان کردووە.
دەشڵێت: ئێمە لەناو دڵی خۆپیشاندانەکان بووین، ئەوانەی شەهیدبوون زۆربەیان شەهیدی ئێمەن، ئێمە پێمان خۆش نییە ناوەکانیان ڕابگەیەنین.
سەبارەت بە کاریگەریی ناکۆکیەکانی یەکێتی و پارتی لەسەر حزبەکانی ڕۆژهەڵات، سکرتێری کۆمەڵەی زەحمەتکێشان وتویەتى: ناکۆکیەکانی پارتی و یەکێتی کاریگەریی بۆسەر هەموو کەس دەبێت و بۆ سەر خۆیانیش دەبێت و بۆسەر ئێمەش دەبێت. [1]
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 678 keer bekeken
Schrijf uw commentaar over dit item!