مەسرور بارزانی بهەلکەفتا 11 ئادارێ: ئەم دەستان ژ مافێن خۆ بەرنادەین ودێ کێشەیێن خۆ لدویڤ بنەمایێن دەستووری چارەکەین
ل 53ى سالیا سالڤەگەرا ڕێکەفتنا دیرووکى یا یازدەى ئادارێ، سەرۆکێ حکومەتا هەرێما کوردستانێ پەیامەک بەلاڤکر،
دەقێ پەیامێ:
ئەڤرۆ هەلکەفتا یازدەى ئادارێ یە، کو 53 سالان بەرى نوکە، حکومەتا عیراقێ نەچاربوو، ژئەگەرێ بەرگرى و خوراگریا خەلکێ #کوردستان#ێ د شۆرەشا مەزنا ئەیلوولێ دا ب سەرکردایەتیا بارزانیێ نەمر، وێ ڕێکەفتنێ ئیمزا بکەت و دانپێدانێ ب هندەک داخازیێن گەلێ کورد بکەت.
رێکەفتنا یازدەى ئادارا سالا 1970ى، دەستکەفتەکا گرنگا گەلێ کوردستانێ یە و بەلگەیەکێ دیرووکیە، لسەر سەرکەفتنا داخازیێن خەلکێ کوردستانێ و ئه و پەیاما ئاشتیخوازە کو هەمى دەمان ڤیایە ب ڕێکا دانوستان ڕێکەکێ بینیت، داکو ئاریشان چارەسەر بکەت. بەلێ ب مخابنیڤە حکومەتا وى دەمى یا عیراقێ، ژ سوز و ڕێکەفتنا دگەل سەرکردایەتیا کوردستانێ لێڤەبوو و دەست ب هێرشێن سەر کوردستانێ کر، دەرئەنجام سیاسەتا وێرانکەر یا ڕژێما عیراقێ، هەرێما کوردستانێ و عیراق ب گشتى بەرهنگارى شەر و وێرانکارى و کارەساتێن مەزن بوون، کو تا نوکە خەلکێ هەرێما کوردستانێ، ژئەنجامێ ئەوان تاوانان دنالن و هێشتا نەهاتینە قەرەبوو کرن.
ب ڤێ هەلکەفتێ ئەم هەلویستێ خو دوپاتدکەین ژبۆ بەرەڤانیکرن و دەستنەبەردان ژ مافێن دەستوورى و چارەسەرکرنا ئاریشان ب ڕشێوەکێ بنەرەتی و ئاشتیانە ولسەر بنەمایێن دەستوورى.
مەسرور بارزانی
سەرۆکێ حکومەتا هەرێما کوردستانێ[1]
11ی ئادارا 2023
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کرمانجی) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 443 keer bekeken
Schrijf uw commentaar over dit item!