خودانا سترانا نێرگز نێرگز د نووترین وێنەی دە هاتە دیتن، سترانا (نێرگز نێرگز و نازێ) ل سالێت هەشتێیان تەڤی تیپا #دهۆک# یا میوزیکێ کوو ب سەرپەرشتیا هونەرمەندێ مەزن #دلشاد محەمەد سەعید# بییە، تۆمار کریە، پشتى تومارکرنا سێ سترانا ژیانا هەڤژینیێ پێک دهینت و بەرەف باژێرێ بەغدایا پایتەختێ عیراقێ دچیت و ئێدى دەنگ و باسێن وێ نامینن.
هونەرمەندا سترانبێژ #نەجات عەبدولمەسیح# ئافرەتەکە مەسیحى یە و ب سترانا (نێرگز نێرگز) ل سالێت هەشتێنان یا بەرنیاس بوویە و ڤێ گاڤێ ل خانیەکێ کرێدا دژیت ل باژێرێ #زاخو#، ل دیف گۆتنێن هندەک چاڤکانی یێن باژێڕێ زاخو هندەکێن دن یێن لقا زاخۆ یا سەندیکا هونەرمەندێن کوردستانێ هاتییە ئاشکرە کرن کو خانم نەجات عەبدولمەسیح پشتى پەژیکا کورونایێ تویشى نەخوشیەکێ بوویە و ئێدى نەشێت خوارنێ بخوت و بتنێ چارەسەرا نەساخییا وێ ل هەر دو وەڵاتێن (تورکیا وهندستانێ) هەیە و ژ بەر دەست کورتیێ و مەسرەفەکە زوور نکاریت بچیتە دەرڤه ژبو دەرمان کرنا خوە. هەروەسا ئەو چاڤکانی دبێژن کو پێشتر مالا وان ل بەرتلە بوویە و ل شەڕێ چەکدارێن داعشێ خانیێ وان هاتە توپباران کرن و دووڤ دا بزاڤ کر کوو بچیتە دەرڤە لێ بەلێ بتنێ شیا هەتا یونانێ بچتن و ل وێ ولاتەی ما و نکاری زێدەتر بچت و ڤەگەڕیا بو ئیراقێ و بەرەف باژێڕێ زاخو یا باشوورێ کوردستانێ ڤە هات و ڤی دەمەی ل خانیەکێ کرێدا د ژیت و دایکا پێنچ زارۆکانە و هەنووکە بەس دوو کچێن وێ لدەف دژین.
ل دووڤ گۆتنا سەرۆکێ سەندیکا هونەرمەندێن کوردستانێ لقا زاخویێ، نەجات عەبدولمەسیح یا هونەرمەند ل سالا 1981 دەست ب گۆتنا سترانان ل گەل تیپا میوزیکا دهۆکێ کریە و شیا سێ ستران بۆ تیپا دهۆک ب سەرپەرشتیا هونەرمەند دلشاد محەمەد سەعید توماربکەت و لدووڤ گۆتنا وێ ل ژیەکێ گەلەک کێم دا خێزان پێک ئینایە و دەست ژ گۆتنا سترانان بەردایە.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کرمانجی) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 456 keer bekeken
Schrijf uw commentaar over dit item!