$Agahiyên şehîd:$
Nav û Paşnav: Latife Hamîdî
Nasnav: Berfîn Nûcan
Cihê Jidayikbûnê: Urmiye
Navê Dayikê-Bav: Hanife – Faris
Cih û Dîroka Şehîdbûnê: Amed/29-04-2021
$Kurtejiyana şehîd:$
Hevrêya me Berfîn li bajarê Urmiyê yê Rojhilatê Kurdistanê li nav malbateke welatparêz çêbûye. Ji ber sedema ku malbat û çanda ku lê mezin bûyî welatparêz bû hê bi zaroktî hay ji Kurdbûnê xwe çêdibe û rewşa mêtingerbûnê ya gelê me ti caran qebûl nekiriye. Têkoşîna Azadiya Kurdistanê bi giştî nirxandiye û bawerî pê aniye ku welatê me Kurdistanê encex bi têkoşîneke ya li çar parçeyan dikare azad bibe. Ji vî alî ve bûye xwedî kesayateke netewî. Komploya navnetewî ya li ser Rêber Apo li tevahiya Kurdsitanê, li gelek deverên cîhanê û li Rojhilatê Kurdistanê bûye sedema hêrseke mezin, li vir bi serhildanên dîrokî yên gel xwedî li Rêber Apo derketine. Hevrêya me Berfîn Tevgera Azadiya Kurd dema van serhildanan nas kiriye û bawerî pê aniye ku tenê bi têkoşîna gerîla têkoşîna azadiyê dikare serfiraz bibe. Bi vê baweriyê sala 2015'an tevlî nav refên gerîla bûye, çiyayên Kurdistanê weke mekanê azadiyê dîtiye û kefenê koletiyê ku civakê li jinê fesilandiye bi hêrseke mezin çirandiye û ber bi azadiyê ve gav avêtiye. Ji dema ku tevlî nav gerîla bûyî û pê de tim lê geriyaye û ji bo ku xwe pêk bîne bi vê çarçoweyê kedeke mezin daye. Bi keda ku dayî di kesayata xwe de guherîneke mezin pêk aniye û di nasnameya jina azad de her roja ku çûyî kûr bûye, asta azadiyê ya li ser hêza jinê, milîtaniya PK'ê û fermandariya têkneçûyî ya fermandariya YJA Starê bi rengekî mînak nîşan daye.
Hevrêya me nirxekî zêde daye têkiliyên hevrêtiyê yê nav PKK'ê, bawerî pê aniye ku bi van têkiliyên hevrêtiyê mieov dikare mezin bibe û bibe xwedî wate, ji bo ku ji hevrêyên xwe re bibe hevrê di aliyê hîs û fikran de tim xwe perwerde kiriye, nexasim ji bo ku bibe layiqî Rêber Apo û hevrêyên şehîd tim hewl dae. Ango bi çarçoweya dilsoziya bi hevrêyên şehîd û ji bo ku tola wan hilîne ji hêla leşkerî û îdeolojîk ve xwe gihandiye û weke fermandareke pêşeng a YJA Starê li bakurê Kurdistanê bûye xwedî wê siûdê têbikoşe. Bi vî rengî yek ji xeyalên xwe yên mezin pêk aniye û li bakure Kurdsitanê li Amedê bi salan têkoşiyaye. Ji Rohilatê Kurdistanê bi rê ketiye û li çar parçeyên Kurdistanê têkoşiyaye, di netewayatî û şoreşgeriyê re bûye yek ji jina azad a Kurd.
[1]