ڕۆژنامەی سەباحی زمانحاڵی حکومەتی ئێراق لە مانشێتی سەرەکی ئەمڕۆیدا #08-05-2023# ئاماژەی بە هەوڵی محەمەد شیاع سوودانی سەرۆک وەزیرانی ئێراق کردووە بۆ نەهێشتنی ناکۆکییەکانی نێوان #هەولێر# و #سلێمانی#.
ڕۆژنامەکە ئاشکرای کردووە چەند ڕۆژی داهاتوو سوودانی دەستپێشخەریەک دەکات بۆ نزیک کردنەوەی تێڕوانینی جیاوازی پارتی و یەکێتی بۆ چارەسەرکردنی کێشە سیاسییە ئاڵۆزەکانی نێوانیان کە چەند مانگێکە بەردەوامن.
بەگوێرەی ڕاپۆرتەکەی ڕۆژنامەی سەباح داواکاری نێوەندگیری نێوان پارتی و یەکێتی لەلایەن #نێچیرڤان بارزانی# سەرۆکی هەرێمی کوردستانەوە ئاڕاستەی سوودانی کراوە.
نێچیرڤان بارزانی پێی وابووە کە سەرۆک وەزیرانی ئێراق کەسێکی قبووڵکراوە بۆ دەستوەردان لە چارەسەر کردنی ناکۆکیەکانی هەرێم. یەکێتیش لاری لەوە نییە، چونکە یەکێتی پەیوەندی باشی لەگەڵ هێزەکانی چوارچێوەی هەماهەنگی هەیە کە سوودانی بەربژێری ئەوان بووە.
ڕۆژنامەکە ئاشکرای کردووە پارتی سوورە لەسەر ئەنجامدانی هەڵبژاردن و تا ئێستا لەگەڵ یەکێتی لەسەر یاسای هەڵبژاردن و کۆمیسیۆن نەگەیشتووەتە ڕێکەوتنی کۆتایی و تیمی یەکێتی بەردەوامن لە بایکۆتی ئەنجوومەنی وەزیران. [1]
Dit item werd in het (کوردیی ناوەڕاست - Central Kurdish) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 466 keer bekeken
Schrijf uw commentaar over dit item!