چواردەوری چاو یان لێوەکانت زوتر لە بەشەکانی دیکە نیشانەکانی تەمەنیان پێوەدیارە، بێگومان ئەگەر زوو خزمەت بە پێست بکەیت و ڕۆژانە پێکهاتەی بەسوودی لێبدەیت، ئەوا دەتوانیت پێست بەجوانی بمێنێتەوە و درەنگ چرچ و لۆچ ببێت.
=KTML_Bold=1. زەیتی زەیتون=KTML_End=
بڕێکی زۆر پێکهاتەی خۆراکی تێدایە و دەوڵەمەندە بە ڤیتامین و دژە ئۆکسانی کالبۆڤینول و ترشی فۆلیک، کە ڕێگا لە چرچبوونی پێست دەگرن، گرنگە پێش نووستن بیدەیت لە پێست و مەساجی پێبکەیت بۆ ماوەی 10 خولەک.
=KTML_Bold=2. زەیتی ئەڤۆکادۆ=KTML_End=
کە هۆکارێکە بۆ پاراستنی پێست دژی زیانەکانی تیشکی خۆر، هاوکات ماددەی کۆلاجینی پێست دەپارێزێت، کە پێویستە بۆ پاراستنی پێست لە چرچبوون، هەفتەی دووجار بیدە لە پێست.
=KTML_Bold=3. زەیتی هەنار=KTML_End=
دەوڵەمەندە بە پێکهاتەی دژە ئۆکسان و خانەکان نوێ دەکاتەوە و ڕێگا لە زوو چرچبوون دەگرێت.
=KTML_Bold=4. زەیتی بادام=KTML_End=
خانەکانی پێست نوێ دەکاتەوە و پێویستە ڕۆژانە بەکاربهێنرێت، چونکە نەرمی دەکات و یارمەتیی کونیلەکان دەدات باشتر هەوا هەڵمژن و درەنگ چرچ ببێت. [1]