ناڤ: فەرەیدون
ناسناڤ: فەرەیدون جوانڕۆیی -فەرەیدون بەگ وەکیلی
ناڤێ باب: محەمەدعەبدولڕەحمان
ساڵا ژدایکبوونێ: 1950
جهێ ژدایکبوونێ: #جوانڕۆ#
$ژیاننامە$
کەسایەتیێ سەربازی و سیاسەتمەدار فەرەیدون محەمەد عەبدولڕەحمان، یێ بەرنیاس ب (فەرەیدون جوانڕۆیی و فەرەیدون بەگ وەکیلی) ، ساڵا 1968 پەیوەندی ب ڕیزێن هێزا پێشمەرگێ کوردستانێ ڤە کرییه، نینەری کۆنگرەیێن نەهەم (1979) ، دەهەم (1989) بوویە و ساڵا 1999 ل کۆنگرەیا دوازدەهەم دە ب ئەندامێ کۆمیتەیا ناڤەندی و ساڵا 2010 ل کۆنگرەیا سێزدەمیدە ب ئەندامێ ئەنجومەنا سەرکردایەتی و ل ئێکەمین کۆبوونەوەیا ئەنجومەنا سەرکردایەتیدە ب ئەندامێ مەکتەبا سیاسییا #پارتی دیموکراتی کوردستان# تێ هەڵبژاردن، هەلگرێ میدالیاىا بارزانى یێ نەمرە.
فەرەیدون جوانڕۆیی ساڵا 1950 ل #ڕوژهەڵاتێ کوردستان#ێ ژدایکبوویە. دەرچوویێ قۆناغا ناڤەندییە. ساڵا 2015 لەسەر ڕێیا هەولێر-موسڵ ل دەمێ ئەرکێ پێشمەرگایەتی ل بەرەیێن شەڕێ دژێ #داعش#ێ هاتە تەرۆر کرن. شارەزایێ زمانێن کوردی و فارسی بوویە.
جوانڕۆیی پشکدارییا چەندین شەڕان ل دژی سوپایێ داگیرکەری ئێڕاقێ کرییە و چەند جارەکان بریندار بوویە. ناڤهاتی لبەر ژێهاتی و بوێرییا خوە ل ئەرکێن کو پێ دهاتن سپاردن، چەندین پلە و بەرپرسیاریەتی ل ناڤا هێزا پێشمەرگەدا وەرگرتبوون.
ساڵا 1975 وەکە پەنابەر ڕوو دەکەتە وڵاتێ ئیران و ساڵا 1979 بو جارا ددوویان پەیوەندی ب ڕیزا هێزا پێشمەرگە کرییە و ل شوڕەشا گوڵاندا فەرماندەیێ هەرێم و پشتڕە جێگرێ فەرماندەیێ سوپایێ سێ بوویە و پشتڕە بوویە جێگرێ فەرماندەیێ #کەرکووک-سلێمانی#.
ساڵا 1991 بەرپرسیارێ میحوەرا یەکا ڕاپەڕینا باشوورێ کوردستانێ بوویە ک دەڤەرێن #چەمچەماڵ#، بازیان، #دەربەندیخان#، #کەلار#، #کفری# و #خانەقین# ل خوە دگرتن. ساڵا 1992 بوویە جێگرێ فەرماندەیێ فەرماندەییا کەرکووک ل هێزا سوپایێ هەڤبەشێ کوردستانێ. ساڵا 1994 بوویە فەرماندەیێ سوپایێ #ڕزگاری#ی یێ سەرب پارتی دیموکراتی کوردستان. ساڵانی 1997-2003 فەرماندەیێ فەرماندەییا سلێمانی-کەرکووک یا فەرماندەیێ لەشکرێ کوردستانێ بوویە. ساڵا 1999 بوویە فەرماندەیێ فەرماندەییا هەر سێ سوپایێن #کەرکووک# و #حەمرین# ل گەرمیان و سوپایێ ڕزگاری ل سلێمانی.
ساڵا 1996 وەکە ڕێزلێنان ل خەباتا د شوڕەشا ئەیلوولێ، شوڕەشا گوڵان و ڕاپەڕین و قوناغا سەروەری یێ، ژ ئالێ #مەسعود بارزانی# مەدالیایا بارزانی یێ نەمری پێ هاتە بەخشین.
ساڵا 2004 بوویە بەرپرسێ لێژنەیا لقا دوازدەی یا #حەلەبچە# یا پارتی دیموکراتی کوردستان و ساڵا 2014 ژ ئالێ مەسعود بارزانی، سەروکێ هەرێما کوردستانێ ڤە بوویە بەرپرسیارێ میحوەرا خازر دژی هێزێن داعشێ. [1]