پېڎا بېیەی (میترا) ی:
ئەفسانەو پېڎابېیەو (میترا) ی ماچۊ:
(میترا) ئەوەڵجار جە دەروونو تەوەنێ بەرئاما، ئا تەوەنۍ ماواش مەڕێ بۍ، ڕېککۆتو (24/12/272 و.ز) جە درېژتەرین شەوەو ساڵېنە جە ئەڎێ بېیەن، ئا شەوۍ کە (میترا) ش چەنە ئامان دنیاوە، پەنەش ماچان (شەوەو یەڵدای) ، دمای پېڎا بېیەیش، شوانو گەلەی کڕنووشەش پەی بەردەن و پەرسانش، ئینجا بېیەن بە هامئاهەنگو ڕوجیاری، ڕوېشا (گاوە کۊیێش) کېشتېنە دلۍ مەڕەکۍ و زنجیرەش کەردېنە، ڕوجیار فەرمانش کەردەن بە (قاڵاو)ی پەی کوشتەی گاوەکۍ، ئاڎییچ کوشتېنەش، دلۍ لەمەو گاوەکېنە (گوڵە گەنمۍ) و (دارو مېوۍ) سۊزۍ بیېنۍ، ئینجا (مار و مۊر) ئەندامو نېرینەو گاوەکېشا واردەن، دماتەر میترا لوان پەی ئاسمانی و جارێتەر گېڵانۆ پەی سەرو زەمینی، بە گېڵایۆش هېزێ چامنەشە بەخشان بە مەردەکا تاکو گردشان هۊرزاوە، سنوورێچش مېیانو خاسەی و خرابەینە نېیانەرە، پا تەرزە خاسەکارېش جە خرابەکارا جیێ کەردېنێ، دماجار گاوېش سەرەبڕیېنە و چەنی شیلێوە پیروزی خوشاوەش چەنە وەشکەردەن، هەر کەسېو چا خوشاوېشە واردێوە، لوۍ دلۍ ژیوایێ نەمری (جاویدانی) .[1]
Dit item werd in het (هەورامی - Kurdish Hawrami) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئی بابەتۍ بە زۋانی (هەورامی - Kurdish Hawrami) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
![](https://www.kurdipedia.org/images/flags/ku.png)
ی کلیک کەرە!
Dit item is 333 keer bekeken
Schrijf uw commentaar over dit item!