کوڕێ سەرکردەیێ ب ناڤبانگ و بەرنیاسێ کورد #شێخ مەحمود حەفید#ێ نەمرە و ل ساڵا 1917یا زایینی ل باژێڕێ سلێمانی دڤێ ماڵباتا تێکوشەردا و ل سەردەمەکێ تژی ل کارەساتێن دیروکی دە ژدایک بوویە.
شێخ لەتیف هێش زاروک بوویە و ژیێ وی نەگەهشت بوویە سێ ساڵی یێ و پشتی بدیل گرتنا شێخ مەحمود حەفیدێ بابێ وی ب مال و حاڵ و تەڤی ماڵباتا خوە بەرێ خوە کرە ڕوژهەڵاتێ کوردستانێ و چوونە دەف #سمکۆ# ئیسماعیل ئاغایێ شکاک .
شێخ لەتیف ل ساڵا 1930 و ل ژیێ سێزدە ساڵیێ دە پشکدارییا شوڕەشا چەکداریێ و بەرخوەدانا کوردی دە کرییە. =KTML_Photo_Begin=https://www.kurdipedia.org/files/relatedfiles/2014/76297/0006.JPG=KTML_Photo_Alt=شێخ لەتیف ل گرتیخانێ=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2014/76297/0006.JPG=KTML_Photo_End=
ل ساڵا 1942 ژ ئالێ حکومەتا پاشایەتیێ ڤە هێرش هاتیە کرن لێ بەلێ ناهاتییە دەستەسەر کرن و ژبو جارەک دن خوە گەهاندییە ڕوژهەڵاتێ کوردستانێ و پشتی ساڵەکا دن ڤەگەڕیایە . پشکداریی د #کومارا کوردستان#ێ ل باژێڕێ #مەهاباد# یا ڕوژهەڵاتێ کوردستانێ دە کرییە، دەربەدەری و ئاوارەیی و دوورە وڵاتی یا زور بخوەڤە دیتی یە و چەندین جاران ژئالێ دوژمنێن کوردان ڤە هاتییە دەستەسەر کرن. ل ناڤەڕاستا ساڵێن پێنجەهاندە ژئالێ ڕژێما پاشایەتیێ ڤە هاتییە دەستەسەر کرن و هەیا سەرهەڵدانا شۆڕەشا 14 تە موز یا ساڵا 1958 ل باژێڕێ بەسرا ل زینداندە مایە. شێخ لەتیف سەرباری هندێ کو سەرکردەیەکێ ژێهاتی بووی دهەمان دەمدە هوزانڤانەکێ زیرەک ژی بوویە و چەندان شیعر ژبو وڵات و هەژار و کەسێن کوو ل بندەستیێ دژین نڤیسیە. ب ئالیەکێ گشتی هوزانێن وی لسەر ڤان بابەتانەنە:
1- نیشتان پەروەری
2- کۆمەڵایەتی
3- دڵداریی
4- گاڵتە وگە پ.
شێخ لەتیف ل هێڤارییا ڕوژا ئینێ ل ڕێکەفتا 12-05-1972 ل نەخۆشخانەیا (الراهبات) یا بەغدایێ ل ژیێ (55) ساڵیدە وەغەرا داویێ کرییە و پشتڕە تەرمێ وی هینایە ژبو سلێمانیێ و لناڤ #مزگەفتا مەزن#دە هاتییە بخاک سپاردن .
Dit item werd in het (کرمانجی - کوردیی سەروو) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 491 keer bekeken
Schrijf uw commentaar over dit item!