=KTML_Bold=ب هەلکەفتا ڕۆژا جیهانیا مۆزەخانەیان=KTML_End=
$بەهرە ساڵح: بۆ ئەڤساڵ ژی من پۆستەرێ ڕۆژا جیهانیا مۆزەخانەیان وەرگێڕا سەر زمانێ شیرینێ کوردی$
بەختەوەرانە ب شێوەیەک خوەبەخش و ب ئارمانجا خزمەتەک بچویک ب مۆزەخانەیێن کوردستانێ و زمانێ شیرینێ کوردی، ماوەیێ چەند ساڵەکە وەک چالاکییەک بۆ ڕۆژا جیهانیا مۆزەخانەیان، ئەم پۆستەرێ وی هەلکەفتێ وەکی هەمی زمانێن دی یێ جیهانی، بۆ سەر زمانێ کوردی وەردگێڕین و ب وی شێوەیی زمانێ کوردی ژی خوە د ناڤ زمانێن جیهانیدا جە دگریت.
جهێ ئاماژە پێ کرنێ یە کو ڕۆژا جیهانیا مۆزەخانەیان هەلکەفت و بۆنەیەک جیهانییە و هەر ساڵ ل ڕۆژا 18- 5ێ ب مەبەستا بوها و گرنگیدان ب مۆزەخانەیان دهێتە بەرز ڕاگرتن. بۆ جارا ئێکێ ڕۆژا جیهانیا مۆزەخانەیان ل ساڵا 1977ێ ژ لایێ International Museum Day (IMD) هاتە بڕێڤەچوون، پشتی پەسەندکرنا بڕیارنامەیەک کو ژ لایێ ڕێکخراوا ئایکۆمێ بۆ چێکرنا بۆنە و هەلکەفتەک ساڵانە ب مەرەما ڕێکخستنا پتر یا هەوڵێن داهێنەرانەیێن مۆزەخانەیان و ڕاکێشانا سەرنجێ خەلکێ جیهانێ بۆ چالاکییان ئەڤ هەلکەفەتە هاتە ڕێکخستن.
ساڵانە مۆزەخانەیێن جیهانێ لسەر ئاستا ناڤدەولەتیدا بۆ بەشداریکرن ل ڕۆژا جیهانیا مۆزەخانەیان (IMD) ژ بۆ بەرەڤپێشبرنا ڕۆڵا مۆزەخانەیان ل سەرانسەرێ جیهانێ ل ڕێیا بۆنە و چالاکییان ڤە دهێنە گازیکرن. هەروەسا ل ساڵا 1992ێدا مژار و بابەتا ساڵانە یا چالاکیان هاتە پەسەندکرن، ئێکەم پۆستەرا ناڤدەولەتی یا ڕێکخراوا IMD ل ساڵا 1997 هاتە ئامادەکرن و ل وی ساڵێدا ژ لایێ 28 وەڵاتان هاتە وەرگێڕان. ئو ل ساڵا 2009ێ ڕێکخراوا IMD بەشداریا 20 هەزار مۆزەخانەیان بۆ خوە ڕاکێشا و ل زێدەتر ژ 90 وەڵاتاندا مێهڤانداریا وان ئاهەنگان کرن.
ل ساڵا 2010ێدا 98 وەڵاتان بەشداری ل ئاهەنگاندا کرن، ل ساڵا 2011ێدا 100 وەڵات، ل ساڵا 2012ێدا 30 هەزار مۆزەخانە ل 129 وەڵاتاندا بەشدار بوون، ل ساڵا 2011ێ پۆستەرێ فەرمی یێ ڕێکخراوا IMD ژ بۆ 37 زمانان هاتە وەرگێڕان. حەتا ساڵا 2014ێ 35 هەزار مۆزەخانەیان ل 140 وەڵاتاندا بەشداریا ڕۆژا جیهانیا مۆزەخانەیێ کرن. جهێ ئاماژە پێکرنێ یە کو ئەڤ هەژمارە ساڵانە زێدەتر دبیت و هەرساڵ پۆستەرەکە نوی ب ناڤونیشانەکە نوی بۆ وی هەلکەفتێ بەری چەند هەیڤان دهێتە ئامادەکرن، بۆ هندێ کو بهێتە وەرگێڕان بۆ زمانێن جیهانی. ئو مە ژی ل ساڵا 2014ێ ڤە بەردەوام ئەڤ پۆستەرە وەرگێڕان کرییە بۆ زمانی کوردی، ژ بلی هەردوو ساڵێن 2021 و 2022، کو ژبەر مژیل بوونا من ب خواندنێ ڤە، من نەکاری وی کاری بکەم، لێ ب کەیفخوەشیێ ڤە ئەڤساڵ دیسان من شیا وی کاری ئەنجام بدەم، کو بۆ ماوێ چەند هەیڤەک دبیت لگەل وی ڕێکخراوێ لسەر خەتم. ب ڤێ هێڤیێ کو مە کاری بیت خزمەتەکێ بچویک ب مۆزەخانە و زمانێ کوردی بکین. [1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کرمانجی) geschreven, klik op het pictogram
om het item te openen in de originele taal!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Dit item is 718 keer bekeken
Schrijf uw commentaar over dit item!